برطانیہ میں ایک انوکھا کیس سامنے آیا ہے جس میں خاتون فیس بک لائیو ویڈیو کے دوران زندہ چوہا کھا گئیں۔
غیر ملکی میڈیا کے مطابق پولیس نے خاتون کو زندہ چوہا کھانے کی جرم میں گرفتار کرلیا۔ 39 سالہ خاتون نے فیس بک پر لائیو ویڈیو شروع کی اور صارفین کے سامنے چوہا کھا گئے۔
ملزمہ نے چوہا کھانے کے بعد پانی پیا اور منشیات کا بھی استعمال کیا۔ فیس بک ویڈیو کو ہزاروں صارفین نے نہ صرف دیکھا بلکہ اس کے خلاف شدید احتجاج کیا اور پولیس کو بھی اطلاع دی۔
پولیس کا کہنا ہے کہ ابتدائی تفتیش میں معلوم ہوا ہے کہ خاتون نے ایک چیلج کے تحت ایسا کیا۔ پولیس نے عوام سے درخواست کی ہے کہ اس ویڈیو پر تبصرہ کریں اور نہ ہی اسے پھیلائیں تاکہ دیگر لوگ ایسا کرنے کی نہ سوچیں۔
خاتون کے خلاف جانوروں پر ظلم کی دفعات کے تحت مقدمہ درج کیا گیا ہے۔
