The news is by your side.

Advertisement

بجلی کا کرنٹ لگا کر شوہر کو قتل کرنے والی بیوی گرفتار

کراچی: شہر قائد میں خاتون نے اپنے شوہر کو مبینہ طور پر بجلی کا کرنٹ لگا کر قتل کر دیا، پولیس نے ملزمہ کو گرفتار کر کے عدالت میں پیش کر دیا۔

تفصیلات کے مطابق کراچی میں بجلی کا کرنٹ لگا کر شوہر کو قتل کرنے والی ملزمہ کو عدالت میں پیش کر دیا گیا، جوڈیشل مجسٹریٹ نے ملزمہ کو 4 روزہ ریمانڈ پر پولیس کے حوالے کر دیا۔

مقتول شوہر کے بھائی نے الزام لگایا تھا کہ ملزمہ نے ساتھیوں کے ساتھ مل کر اپنے شوہر کو قتل کیا۔ آلۂ قتل کے بارے میں کہا گیا کہ واردات کے لیے بجلی کے کرنٹ کا استعمال کیا گیا۔ عدالت نے کیس کی سماعت کرتے ہوئے حکم دیا کہ ملزمہ سے وومین ایس ایچ او کی موجودگی میں تفتیش کی جائے۔

جوڈیشل مجسٹریٹ نے واضح کیا کہ ملزمہ چوں کہ خاتون ہے اس لیے تفتیش خاتون ایس ایچ او کی موجودگی میں ہوگی، نیز ملزمہ حاملہ ہے اس لیے انسانی حقوق کی بنیاد پر صحت کا بھی خیال رکھا جائے۔

یہ بھی پڑھیں:  لاہور: خاتون کو کرنٹ لگا کر قتل کر دیا گیا

عدالت نے پولیس کو قتل میں مبینہ طور پر ملوث دیگر ملزمان کو بھی گرفتار کرنے کا حکم دیا۔

یاد رہے کہ کرنٹ لگا کر قتل کرنے کا ایک واقعہ لاہور میں بھی پیش آیا تھا، 25 ستمبر کو لاہور کے علاقے ہربنس پورہ میں خاتون کو کرنٹ لگا کر قتل کر دیا گیا تھا، یہ واقعہ گھریلو ناچاقی کے سبب پیش آیا تھا، شوہر رمضان نے بیوی سندس کو کرنٹ لگایا، بعد ازاں اس کا گلا دبا کر قتل کر دیا۔

Comments

comments

یہ بھی پڑھیں