The news is by your side.

Advertisement

جہاز میں مسافر خاتون کا 80سالہ شخص پر تشدد، ویڈیو وائرل

حالیہ دنوں میں کورونا وائرس کی ایک اور خطرناک قسم اومیکرون تیزی سے پھیل رہی ہے جس کے سبب لوگوں میں کافی حد تک خوف و ہراس بھی پایا جارہا ہے۔

عام زندگی کے علاوہ فضائی سفر کے دوران فیس ماسک پہننا انتہائی ضروری قرار دیا جاتا ہے تاہم کھانا کھاتے ہوئے یا دوائی کھانے کیلئے ماسک کو وقتی طور پر نیچے بھی کیا جاسکتا ہے۔

اس کی وجہ سے کچھ ناخوشگوار واقعات بھی پیش آتے ہیں، امریکہ میں ایک فضائی سفر کے دوران ایسے ہی ایک واقعے کی ویڈیو سوشل میڈیا پر بے حد وائرل ہورہی ہے۔

ویڈیو میں دیکھا جاسکتا ہے کہ ایک درمیانی عمر کی خاتون مسافر 80سالہ معمر شخص کو ماسک اوپر کرنے کا کہہ رہی ہے حالانکہ وہ شخص اپنی نشست پر بیٹھا سکون سے کھانا کھا رہا تھا۔

دلچسپ بات یہ ہے کہ ماسک اوپر کرنے کی ہدایت دینے والی خاتون کا ماسک بھی منہ سے ہٹا ہوا ہے، لیکن نہ جانے اس خاتون کو کیا پڑی تھی کہ معمر شخص کے پیچھے بری طرح پڑگئی۔

جواب میں اس معمر مسافر نے بھی ترکی بہ ترکی جواب دیا جس پر مسافر خاتون آپے سے باہر ہوگئی اور اس ضعیف آدمی کہ منہ پر طمانچہ مار ڈالا۔

یہ منظر دیکھ کر جہاز کا عملہ بھی آ پہنچا اور دونوں کے درمیان اس مسئلے کو سلجھانے کی کوشش کرتے ہوئے خاتون کو پکڑ لیا لیکن خاتون نے ہذیان بکتے ہوئے اس بوڑھے آدمی کے منہ پر تھوک دیا۔

بعد ازاں جہاز کے عملے نے اس خاتون مسافر کو جہاز کے پچھلے حصے میں لے جاکر بٹھا دیا اور ایئر پورٹ پر اترتے ہی اسے پولیس کے حوالے کردیا گیا۔

مذکورہ ویڈیو کو پہلے ٹک ٹاک پر اپ لوڈ کیا گیا بعد ازاں ٹویٹر پر پوسٹ ہونے کے بعد سے اب تک اس ویڈیو کو سات ملین سے زیادہ صارفین دیکھ چکے ہیں اور لوگ اپنے خیالات کا اظہار کررہے ہیں۔

Comments

یہ بھی پڑھیں