The news is by your side.

Advertisement

لاہور: میٹرو بسیں آپس میں ٹکراگئیں‘ خاتون جاں بحق‘ 10 افراد زخمی

لاہور: لاہور میں گجومتہ کے قریب 2 میٹرو بسوں کی ٹکر کے نتیجے میں ایک خاتون جاں بحق جبکہ 10 افراد زخمی ہوگئے۔

تفصیلات کے مطابق لاہور کے علاقے گجومتہ کے قریب دو میٹرو بسیں آپس میں ٹکرا گئیں، حادثے میں خاتون جاں بحق جبکہ 10 مسافر زخمی ہوگئے۔

حادثے کی اطلاع ملتے ہی ریسکیو اہلکار جائے وقوعہ پر پہنچے اور زخمیوں کو فوری اسپتال منتقل کیا جہاں دوخواتین کی حالت تشویش ناک بتائی جا رہی ہے۔

پولیس حکام کے مطابق واقعے کے بعد میٹرو بس سروس معطل کردی گئی ہے۔

گوجرانوالہ میں بس حادثہ ‘ 1 شخص جاں بحق ‘ 15 زخمی

یاد رہے کہ گزشتہ ماہ صوبہ پنجاب کے شہر گوجرانوالہ میں تیزرفتار بس فٹ پاتھ سے ٹکرا کرالٹ گئی تھی جس کے نتیجے میں ایک شخص جان کی بازی ہار گیا تھا۔

چیچہ وطنی: قومی شاہراہ پر مسافر بس اور کار میں تصادم، 3 افراد جاں بحق

واضح رہے کہ 4 جنوری کو صوبہ پنجاب کے شہر چیچہ وطنی میں قومی شاہراہ پر مسافر بس اور کار میں تصادم سے خاتون سمیت ایک ہی خاندان کے 3 افراد جاں بحق ہوگئے تھے۔

Comments

comments

یہ بھی پڑھیں