میکسیکو میں ناک کی بالی کا ٹکڑا خاتون کے پھیپھڑوں میں جاکر پھنس گیا۔
میکسیکو کی ٹک ٹاکر 26 سالہ مونیکا دیانیرا کیبرایرا کا خیال تھا کہ ان کی کھانسی جو دور نہیں ہورہی بدلتے موسم کی وجہ سے ہے لیکن اس کی وجہ ان کی ناک کی بالی تھی جو پھیھپڑوں میں جاکر پھنس گئی تھی۔
انہوں نے حال ہی میں عجیب و غریب طبی حادثے کا انکشاف کیا جسے 4.7 ملین سے زائد لوگ دیکھ چکے ہیں۔
ویڈیوز میں انہوں نے بتایا کہ شروع میں مجھے معلوم نہیں تھا کہ ناک کی بالی کا ایک حصہ غائب ہوچکا ہے لیکن جب مجھے علم ہوا تو میں نے یہ سوچنے میں زیادہ دیر نہیں لگی کہ میں نے اسے سانس سے اندر کھینچ لیا ہوگا۔
انہوں نے بتایا کہ جب کھانسی نہ رکی تو ڈاکٹر کے پاس گئی اور بتایا کہ ناک کی بالی کا ٹکڑا سانس کے ذریعے اندر چلا گیا ہے۔
ٹک ٹاکر کے مطابق میں ایک گھنٹہ بیس منٹ تک اسپتال میں رہی اور وہ اب بھی اسے نہیں ہٹا سکے تھے کیونکہ یہ میرے جسم سے جڑا ہوا تھا۔
مونیکا نے بتایا کہ سرجری سے ایک رات قبل اپنے پیاروں کو الوداعی خط لکھا، ایمانداری سے کہوں تو مجھے لگ رہا تھا کہ میں مرنے والی ہوں، یہ لمحہ خوفناک تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں