The news is by your side.

Advertisement

کرونا لاک ڈاؤن ختم ہونے کی خوشی، خاتون جان سے ہاتھ دھو بیٹھی

استنبول: ترکی میں کرونا لاک ڈاؤن ختم ہونے کی خوشی میں بلند مقام سے تصویر بنانے والی خاتون گر کر ہلاک ہوگئی۔

غیرملکی خبررساں ادارے کی رپورٹ ترکی میں کرونا لاک ڈاؤن ختم ہونے کی خوشی میں 31 سالہ خاتون اولیسیا نے115 فٹ کی بلندی پر تصویر لینے کی کوشش کی اس دوران اس کا پاؤں پھسل گیا اور وہ گر کر ہلاک ہوگئی۔

افسوسناک واقعہ تین روز قبل پیش آیا جب اولیسیا اپنی دوست کے ہمراہ ترکی کے سیاحتی مرکز انتالیا میں 115 فٹ بلند پہاڑ پر تصویر لے رہی تھیں۔

رپورٹ کے مطابق اولیسیا  کرونا لاک ڈاؤن ختم ہونے کے بعد ڈوڈن پارک گئی تھیں جو قدرتی آبشاروں کے حوالے سے مشہور ہے، چہل قدمی کے دوران اولیسیا نے پس منظر میں آبشاروں کے ساتھ پہاڑی کے کنارے پر ایک تصویر لینے کا فیصلہ کیا۔

خاتون حفاظتی باڑ پر چڑھ گئی اور اپنی دوست کے سامنے تصویر بنانا چاہی اس دوران وہ توازن برقرار نہ رکھ سکی اور 115 فٹ بلند پہاڑ سے گر کر ہلاک ہوگئی۔

رپورٹ کے مطابق اولیسیا کی دوست نے ایمرجنسی سروس کو فون کیا، بعدازاں ریسکیو حکام نے اولیسیا کی لاش کو پانی سے باہر نکالا۔

ترک پولیس نے اس معاملے کی تفتیش کی اور خاتون کی موت کو حادثہ قرار دیا۔

اولیسیا کے اہلخانہ کا کہنا ہے کہ وہ ایک ہوشیار، خوش مزاج خاتون تھی اور سیاحت کی شوقین تھی، اولیسیا کے دوستوں نے اہلخانہ سے ان کی موت پر دکھ اور افسوس کا اظہار کیا ہے۔

Comments

یہ بھی پڑھیں