کیلی فورنیا: امریکی ریاست کیلی فورنیا میں موبائل فون میں مگن خاتون 100 فٹ بلندی سے نیچے جاگری۔
غیرملکی خبررساں ادارے کی رپورٹ کے مطابق امریکی ریاست کیلی فورنیا میں موبائل فون کو دیکھتے ہوئے خاتون 100 فٹ بلند پہاڑ سے نیچے جاگری جس کی ویڈیو وائرل ہوگئی۔
رپورٹ کے مطابق 32 سالہ خاتون لاس اینجلس کے پالوس ورڈیس میں پہاڑ سے گری اور جب ایک ہائیکر نے اس کی مدد کی فریاد سنی تو اسے بچالیا گیا۔
لاس اینجلس کاؤنٹی شیرف کے محکمہ کے ذریعے جاری کردہ ویڈیو میں دیکھا جاسکتا ہے کہ امدادی کارکنوں ہیلی کاپٹر کے ذریعے خاتون کو ریسکیو کررہے ہیں۔
Yesterday, @LMTLASD Deputies responded to a call just north of the light tower in the city of Rancho Palos Verdes after cries for help were heard. Along with LA County Fire, Air 5 responded and repelled down to the rocky bottom and rescued the victim.#SheriffV pic.twitter.com/eLxpF4ZPvw
— Alex Villanueva (@LACoSheriff) December 29, 2019
خاتون جمعرات کے روز شام 7 بجے موبائل فون کو دیکھتے ہوئے پہاڑ سے گری اور اگلے روز صبح 8 بجے امدادی کارکنوں کی جانب سے انہیں ریسکیو کیا گیا۔
ترجمان پولیس ڈوگ کیمورا کا کہنا ہے کہ خاتون خوش قسمت ہے کہ اسے کوئی چوٹ نہیں آئی وہ اور بھی خوش قسمت اس لیے ہے کہ اس نے شور کیا اور اس کی آواز سن لی گئی۔
واضح رہے اس سے قبل بھی خطرناک انداز سے سیلفی لیتے ہوئے متعدد افراد بلند و بالا مقامات سے گر کر جان کی بازی ہارچکے ہیں۔