لندن: برطانیہ میں موٹروے پر چلتی گاڑی میں اسنیپ چیٹ ویڈیو بناتے ہوئے خاتون توازن برقرار نہ رکھ سکیں اور سڑک پر گرگئیں۔
غیرملکی خبررساں ادارے کی رپورٹ کے مطابق برطانیہ میں ایک خاتون ایم 25 موٹروے پر چلتی گاڑی سے اس وقت گر گئیں جب وہ کھڑکی سے باہر نکل کر اسنیپ چیٹ کی ویڈیو بنارہی تھیں۔
برطانوی پولیس کے مطابق یہ خاتون ہفتے کے روز دوپہر ڈیڑھ بجے جنکشن چھ اور کلاکٹ سروس ایریا کے مابین لائیو لین میں گریں، وہ خوش قسمت ہیں کہ وہ شدید زخمی یا ہلاک نہیں ہوئیں۔
سرے پولیس کے ترجمان نے بتایا کہ جائے وقوعہ پر پیرا میڈیکس نے خاتون کو ابتدائی طبی امداد دی، اس واقعے میں کوئی گرفتاری عمل میں نہیں آئی۔
سماجی رابطے کی ویب سائٹ ٹویٹر پر پولیس کے روڈ پولیسنگ یونٹ نے اظہار برہمی کرتے ہوئے لکھا کہ ’اگلی نشست پر بیٹھی خاتون مسافر نے ایم 25 موٹروے پر اسنیپ چیٹ ویڈیو فلماتے ہوئے گاڑی سے باہر نکل آئیں اور توازن برقرار نہ رکھتے ہوئے دوسری لین میں جاگریں۔
The front seat passenger was hanging out the car whilst filming a SnapChat video along the #M25. She then fell out the car and into a live lane.
It is only by luck she wasn’t seriously injured or killed.#nowords
2846 pic.twitter.com/b7f1tPJTEb— Roads Policing Unit (RPU) – Surrey Police – UK (@SurreyRoadCops) September 19, 2020
سوشل میڈیا صارفین نے خاتون نے اس اقدام پر تبصرہ کرتے ہوئے لکھا کہ ’اگر خاتون کو کوئی دوسری گاڑی ٹکڑ مار دیتی تھی تو پوری زندگی انہیں معذوری کا سامنا کرنا پڑسکتا تھا۔
ایک اور صارف کا کہنا تھا کہ کوئی بھی شخص موٹروے پر اس طرح کے اقدام کی توقع نہیں کرسکتا، خاتون کے اس اقدام سے مزید جانیں ضائع ہوسکتی تھیں۔
