بھارت میں بندروں کے خوف کے باعث 40 سالہ خاتون ہلاک ہوگئی۔
بھارتی میڈیا رپورٹس کے مطابق ریاست اترپردیش کے ضلع کوشامبی میں 40 سالہ خاتون بندروں کے خوف کے باعث گھر کی چھت سے گر کر ہلاک ہوگئی۔
کوشامبی سرکل آفیسر ابھیشیک سنگھ نے بتایا کہ افسوسناک واقعہ ضلع کے پسم سریرا قصبے میں پیش آیا۔
- Advertisement -
پولیس کے مطابق کرن دیوی گھر کی چھت پر رسی سے کپڑے اتارنے گئی تھی کہ اچانک بندروں کا ایک جھنڈ چھت پر نمودار ہوگیا۔
بندروں کو دیکھ کر خاتون خوفزدہ ہوگئیں اور ان سے بچنے کی کوشش میں چھت سے پھسل کر گر گئیں۔
حکام کے مطابق اہلخانہ نے خاتون کو فوری طور پر قریبی اسپتال منتقل کیا جہاں ڈاکٹروں نے انہیں مردہ قرار دے دیا۔
واضح رہے کہ اس سے قبل بھی بھارت میں بندر نے گھر سے کمسن بچے کو لے کر جاکر پھینک دیا تھا جس کے نتیجے میں وہ ہلاک ہوگیا تھا۔
