واشنگٹن : امریکی پولیس نے کار چوری کی کوشش کرنے والے مشتبہ شخص کو گرفتار کرلیا۔
غیر ملکی خبر رساں ادارے کی رپورٹ کے مطابق یہ واقعہ امریکا میں 20 فروری کو پیش آیا جہاں ایک شخص نے کار میں سوار خاتون کے پاس آکر مکا مارنے اور انہیں گاڑی سے باہر گرانے کی کوشش کی لیکن خاتون نے گاڑی سے اترنے کے بجائے مجرم سے لڑائی شروع کردی۔
خاتون نے چیخ و پکار شروع کی تو مشتبہ شخص بھاگ کر ڈرائیونگ شیٹ کی جانب آگیا۔
غیر ملکی خبر رساں ادارے کا کہنا تھا کہ خاتون نے حاضر دماغی کا ثبوت دیتے ہوئے گاڑی کے دروازے بند کردئیے اور مسلسل چیختی رہی اور اپنے والد اور بھائی کو خبردار کیا۔
عدالتی دستاویزات سے معلوم ہوتا ہے کہ جب پولیس متاثرین کی شکایت پر جائے وقوعہ پر پہنچی تو دونوں افراد نے مشتبہ شخص کو پکڑ کر زمین پر گرایا ہوا تھا۔
مشتبہ شخص کی شناخت 43 سالہ رونالڈ گورڈن کے نام سے ہوئی ہے جسے پولیس نے گرفتار کرکے کار چوری کا مقدمہ درج کرلیا۔
