The news is by your side.

Advertisement

ماں نے جان پر کھیل کر بیٹے کو تیندوے کی خوراک بننے سے بچا لیا

ممتا کی قربانی کی کئی مثالیں موجود ہیں، ماں اپنے بچوں کو مشکل میں دیکھ کر جان پر کھیل جاتی ہے۔

ایسی ہی ممتا کی ایک مثال بھارتی ریاست مدھیہ پردیش میں دیکھنے کو ملی جہاں ایک تیندوا قبائلی خاتون کی گود سے بچہ چھین کر لے گیا۔

اس خوفناک واقعے کے باوجود خاتون نے ہمت نہ ہاری اور اپنے دوسرے بچوں کو جھونپڑی میں بند کرکے تیندوے کے تعاقب میں جنگل کی طرف بھاگی۔

بچے کو تیندوے سے بچانے کے دوران خاتون بری طرح زخمی ہوگئی اور بچے کو بھی زخم آئے لیکن بہادر ماں نے اسے خونخوار جانور کے شکنجے سے زندہ نکال لیا۔

ریسکیو اہلکار کے مطابق بچے کی کمر، گالوں اور آنکھوں پر چوٹیں آئیں اور اس کی ماں بھی اس حملے میں زخمی ہوگئی۔

خاتون اور بچے کو بعدازاں بنیادی مرکز صحت میں داخل کرایا گیا جہاں انہیں فوری طبی امداد فراہم کی گئی، محکمہ جنگلات ان کے علاج کے تمام اخراجات برداشت کرے گا۔

مذکورہ واقعے کی تصاویر سوشل میڈیا پر وائرل ہوگئی اور صارفین کی جانب سے خاتون کی بہادری کی تعریف کی جارہی ہے۔

Comments

یہ بھی پڑھیں