آسٹریلیا میں ایک خاتون اس وقت حیران رہ گئی جب اسے آئس کریم کھانے پر غلطی سے ٹریفک قوانین کی خلاف ورزی کا مرتکب قرار دے دیا گیا۔
مچل کورس نامی خاتون کو پولیس نے 496 آسٹریلوی ڈالر جرمانے کا نوٹس بھیجا جس میں دوران ڈرائیونگ موبائل فون استعمال کرنے کا جرم بتایا گیا تھا۔
نوٹس ملنے پر اس خاتون کو دھچکا لگا اور اس نے جرمانے کو عدالت میں چیلنج کرنے کا فیصلہ کیا لیکن یہ ٹریفک پولیس کو غلطی کا احساس ہونے پر معاملے کو عدالت میں جانے سے روک دیا گیا۔
ڈیش بورڈ پر پڑی آئسکریم کو پولیس نے غلطی سے موبائل فون سمجھ لیا اور قانونی کارروائی کرتے ہوئے جرمانے کا نوٹس بھیجا۔
خاتون کا کہنا ہے کہ وہ آئس کریم کھا رہی تھی کہ پولیس نے کپ کو موبائل سمجھ کر ٹریفک قوانین کی خلاف ورزی سمجھ لیا۔ ان کا کہنا ہے کہ اس غلطی پر وہ پولیس کے ساتھ بہت زیادہ سخت رویے نہیں اپنا رہی کیونکہ غلطی کسی سے بھی ہو سکتی ہے۔