The news is by your side.

Advertisement

پنجاب کے بعد سندھ میں خاتون کو 3 بچوں سمیت اغوا کرکے 5 افراد کی اجتماعی زیادتی

خیرپور: صوبہ سندھ کے ضلع خیرپور میں 5افراد نے خاتون کو 3 بچوں سمیت اغوا کرکے اجتماعی زیادتی کا نشانہ بنا ڈالا، متاثرہ خاتون نے الزام لگایا ہے کہ شکایت درج کرانے کے باوجود پولیس نے ملزمان کو گرفتار نہیں کیا۔

تفصیلات کے مطابق صوبہ سندھ کے ضلع خیرپور میں خاتون سے زیادتی کا واقعہ پیش آیا ، جہاں خاتون کو3بچوں سمیت اغواکرکے5افراد نے زیادتی کا نشانہ بنایا۔

متاثرہ خاتون کا کہنا ہے کہ واقعہ سوبھو دیرو تھانے کی حدود میں پیش آیا، ملزمان نے تشدد بھی کیا اور الزام لگایا کہ شکایت درج کرانے کے باوجود پولیس کی جانب سے ملزمان کو گرفتار نہیں کیا جارہا ہے۔

یاد رہے چند روز قبل گجر پورہ میں خاتون سے اجتماعی زیادتی کاواقعہ پیش آیا تھا ، جہاں خاتون بچوں کے ساتھ سفر کررہی تھی اور پٹرول ختم ہونے پر گاڑی بند ہوگئی، اس دوران دو ملزم کھڑی گاڑی کا شیشہ توڑ کرخاتون کو قریبی جھاڑیوں میں لے گئے اور بچوں کےسامنے زیادتی کا نشانہ بنایا تھا۔

ملزمان نےایک لاکھ نقدی اورزیورات بھی لوٹ لیے تھے، ابتدائی تفتیش میں پتہ چلا کہ خاتون کوزیادتی سے پہلے ڈنڈوں سے تشدد کا نشانہ بنایا گیا تھا۔

خیال رہے پنجاب پولیس کی جانب سے گجر پورہ میں خاتون سے اجتماعی زیادتی کیس کی تحقیقات جاری ہے، تاہم مرکزی ملزم اب تک پولیس کی گرفت میں نہ آسکا ہے۔

Comments

یہ بھی پڑھیں