The news is by your side.

Advertisement

دوران پرواز بچھو نکلنے پر کھلبلی مچ گئی

سان فرانسسکو: امریکا کی یونائیٹڈ ایئرلائن کی پرواز میں زندہ بچھو نکلنے پر کھلبی مچ گئی، بچھو نے خاتون کو متعدد بار ڈنگ مارا تاہم خوش قسمتی سے کوئی جانی نقصان نہیں ہوا۔

بین الاقوامی میڈیا رپورٹس کے مطابق سان فرانسسکو سے اٹلانٹا جانے والی پرواز میں سوار ایک خاتون کو اچانک پاؤں میں کچھ چپکا ہوا محسوس ہوا اور جلن ہونا شروع ہوئی، تکلیف بڑھنے پر خاتون نشست سے اٹھی اور ریسٹ روم میں جا کر چیک کیا تو ایک زندہ بچھو پتلون سے گرا۔

خاتون اور عملہ زندہ بچھو دیکھ کر چونک گیا اور کھلبی مچ گئی ، مسافروں نے چیخ و پکار شروع کردی جس سے صورتحال گھمبیر ہوگئی۔

عملے نے پیشہ وارانہ فرائض انجام دیتے ہوئے بچھو کو پکڑ لیا اور متاثرہ خاتون کو طبی امداد دی، خاتون کو کئی بار بچھونے ڈنگ مارا تاہم خوش قسمتی سے جانی نقصان نہیں ہوا۔

طیارہ لینڈ ہونے پر ڈاکٹرز نے زخموں کا معائنہ کیا اور طبی امداد دینے کے بعد متاثرہ خاتون کو جانے کی اجازت دے دی گئی۔

Comments

comments

یہ بھی پڑھیں