The news is by your side.

Advertisement

بچوں کو اسکول چھوڑ کر آنے والی بیوہ خاتون کا لرزہ خیز قتل، سر میں گولیاں ماردیں

خانیوال : جہانیاں میں نامعلوم افراد نے بچوں کو اسکول چھوڑ کر واپس آنے والی بیوہ خاتون کو سر میں گولیاں مار کر قتل کردیا، پولیس اور فرانزک ٹیم نے موقع سے شواہد اکٹھے کرلئے ہیں۔

تفصیلات کے مطابق پنجاب کے ضلع خانیوال کی تحصیل جہانیاں کے علاقہ عطا ٹاؤن میں خاتون کے قتل کی لرزہ خیز واردات ہوئی ہے، جہاں نامعلوم افراد نے خاتون کو سر میں گولیاں مار کر قتل کردیا۔

ہولیس کا کہنا ہے کہ 35 سالہ خاتون اپنے بچوں کو سکول چھوڑ کر واپس آرہی تھی کہ 2 موٹر سائیکل سواروں نے اس کے سر پر فائرنگ کردی، جس سے وہ موقع پر جاں بحق ہوگئی۔

پولیس اور فرانزک ٹیم نے موقع سے شواہد اکٹھے کرکے لاش پوسٹ مارٹم کیلئے تحصیل ہیڈ کوراٹر ہسپتال جہانیاں منتقل کردی ہے ، مقتولہ کی والدہ نے بتایا کہ نازیہ 3 بچوں کی ماں تھی اور اس کا اپنے دیور کے ساتھ مقدمہ عدالت میں زیر سماعت تھا۔

واردات کے بعد علاقہ مکینوں کی بڑی تعداد موقع پر جمع ہوگئی اور لوگوں میں خوف ہراس پھیل گیا۔

Comments

یہ بھی پڑھیں