The news is by your side.

Advertisement

بھارت: لڑکی نے جلسے میں پاکستان زندہ باد کا نعرہ لگا دیا

بنگلور: بھارتی ریاست کرناٹک کے شہر بنگلور میں شہریت کے متنازع قانون کے خلاف کیے جانے والے احتجاج میں ایک لڑکی نے پاکستان زندہ باد کا نعرہ بلند کر دیا۔

تفصیلات کے مطابق بھارت میں شہریت کے متنازع قانون کے خلاف احتجاج جاری ہے، بھارتی میڈیا کا کہنا ہے کہ بنگلور میں احتجاجی جلسے کے دوران ایک لڑکی امولیا لیونا نے پاکستان زندہ باد کا نعرہ لگا دیا۔

پولیس نے لڑکی کو گرفتار کر کے اس کے خلاف بغاوت کا مقدمہ درج کر دیا، بھارتی میڈیا کے مطابق نعرہ لگانے والی لڑکی کو جوڈیشل کسٹڈی پر 23 فروری تک جیل بھیج دیا گیا ہے۔

بنگلور میں ہونے والے احتجاج میں آل انڈیا مجلس اتحاد المسلمین کے رہنما اسدالدین اویسی بھی موجود تھے،  لڑکی کو اسٹیج پر بلایا گیا تو اس نے شرکا سے کہا کہ میرے ساتھ نعرہ لگائیں پاکستان زندہ باد۔ یہ سنتے ہی مسلم رہنما اویسی نے لپک کر لڑکی سے مائیک چھین لیا مگر  لڑکی مائیک لیے جانے کے بعد بھی نعرے لگاتی رہی۔

احتجاج کے دوران رونما ہونے والا یہ واقعہ انٹرنیٹ پر نہایت تیزی سے وائرل ہوا جس کے بعد امولیا لیونا اور اس کی فیملی کے خلاف وسیع سطح پر غم و غصے کا اظہار کیا گیا۔ لڑکی کے والد نے بتایا کہ شدت پسند ہندوؤں کا ایک گروپ ان کے گھر پر آیا اور ان سے بھارت کے حق میں نعرہ لگانے کا مطالبہ کیا۔

fb-share-icon0
Tweet 20

Comments

comments

یہ بھی پڑھیں