The news is by your side.

Advertisement

جوتوں میں سونا اسمگل کرنے والی خاتون گرفتار

ماسکو: روسی حکام نے روس اور چین کی سرحد پر دو کلو گرام سونا جوتوں میں چھپا کر اسمگل کرنے والی خاتون کو گرفتار کرلیا۔

تفصیلات کے مطابق روس اور چین کی سرحد پر روسی کسٹم حکام نے معمول کی چیکنگ کے دوران ایک خاتون کو گرفتار کرکے دو کلو گرام سونا برآمد کرلیا، خاتون نے سونا اپنے جوتوں میں چھپایا ہوا تھا۔

روسی حکام کے مطابق گرفتار خاتون کے جوتوں سے برآمد ہونے والے سونے کی کل مالیات 78 ہزار چھ سو پچاس ڈالر بنتی ہے، حکام نے گرفتاری کے بعد تحقیقات شروع کردی ہیں۔

ترجمان کسٹم حکام نے بتایا کہ تلاشی کے دوران خاتون نے ایک پیر آگے اور ایک پیچھے کر رکھا تھا جس پر اہلکار کو شک ہوا اور تلاشی کے دوران خاتون سے دو کلو سونا برآمد کیا گیا۔

ترجمان نے بتایا کہ رواں سال متعدد افراد کو گرفتار کیا گیا جو چین سونا اسمگل کرنے کی کوشش کر رہے تھے۔ انہوں نے کہا کہ رواں برس اگست میں روسی خاتون کو گرفتار کیا گیا تھا۔ خاتون نے سونے کے دس بسکٹ اپنے جوتوں میں چھپا رکھے تھے۔

واضح رہے کہ معدنیات سے مالا مال سربیا کے علاقے میں بڑے پیمانے پر سونے کی کان کنی ہوتی ہے۔

fb-share-icon0
Tweet 20

Comments

comments

یہ بھی پڑھیں