The news is by your side.

Advertisement

شرمناک لباس پہننے پر خاتون کو جہاز سے اتار دیا گیا

میڈرڈ: اسپین میں مختصر اور شرمناک لباس پہن کر طیارے میں داخل ہونے والی کو عملے نے جہاز سے اتار دیا۔

تفصیلات کے مطابق خاتون مسافر اسپین سے برطانوی دارالحکومت لندن جانے کی خواہش مند تھیں، تاہم انہیں اس وقت ہزیمت کا سامنا کرنا پڑا کہ جب وہ قابل اعتراض لباس پہن کر جہاز میں سوار ہوگئیں۔

غیر ملکی خبر رساں ادارے کے مطابق برطانیہ کی سب سے بڑی بجٹ ائیرلائن کی جانب سے بیان میں کہنا تھا کہ خاتون کے مختصر لباس سے دیگر مسافروں کو الجھن محسوس ہورہی تھی۔

انہوں نے کہا کہ جہاز کے عملے نے خاتون مسافر کو اضافی کپڑا اوڑھنے کا بھی مشورہ دیا گیا تاہم انہوں نے ماننے سے انکار کردیا جس پر خاتون کو طیارے سے باہر نکال دیا گیا۔

غیر ملکی میڈیا کے مطابق ردعمل میں خاتون مسافر نے عملے کے اہلکاروں سمیت ایئرہوسٹس سے بھی بدتمیزی کی اور اس رویے کو اپنی آزادی پر قدغن قرار دیا۔

کانز فلم فیسٹیول میں شرمناک لباس پہننے پر ویتنام کی ماڈل پر بھاری جرمانہ عائد

خاتون کا کہنا تھا کہ جہاز کا عملہ انتہائی برا تھا، مجھے بار بار ڈرایا جارہا تھا، طیارے سے اتارے جانے اور دوسری فلائٹ بک کرانے پر انہیں 200 ڈالر کا نقصان ہوا۔

یاد رہے کہ گذشتہ ماہ ویتنام حکومت نے کانز فلم فیسٹیول میں شرمناک لباس پہننے پر ماڈل پر بھاری جرمانہ عائد کیا تھا، تصاویر اور ویڈیوز منظرعام پر آتے ہی ویت نام کے شہریوں نے سوشل میڈیا پر طوفان برپا کیا جس کے ردعمل میں حکومت نے ایکشن لیتے ہوئے جرمانہ عائد کیا۔

Comments

یہ بھی پڑھیں