پیرس: فرانس میں طوفان باد و باراں کے باعث ایک خاتون ہلاک جب کہ 14 افراد زخمی ہو گئے ہیں، شہریوں نے ٹینس گیند جتنے اولوں کو برستے دیکھا۔
تفصیلات کے مطابق فرانس میں گرج چمک اور ژالہ باری کے دوران ایک خاتون ہلاک اور 14 افراد زخمی ہو گئے، طوفان کے باعث انگوروں کے باغات بھی تباہ اور پروازیں تاخیر کا شکار ہو گئیں۔
رپورٹس کے مطابق وسطی فرانس کو شدید طوفان، اور بارش کے ساتھ ژالہ باری نے گھیر لیا ہے، بارش کے دوران ٹینس بال کے سائز کے اولے پڑے، جس سے بڑے پیمانے پر عمارتوں اور گاڑیوں کو نقصان پہنچا۔
⛈ Les orages de grêle circulent sur un axe allant du sud-ouest jusqu’à l’est de la Bourgogne. Images depuis Chalon-sur-Saône en Saône-et-Loire ce soir. (© Félipé Peleija) pic.twitter.com/2x4ns2rYQY
— Météo Express (@MeteoExpress) June 3, 2022
جنوب مغربی فرانس کے رہائشی ٹینس گیندوں کے سائز کے اولوں کی تصاویر آن لائن پوسٹ کر رہے ہیں، پیرس کے علاقے میں ڈرائیوروں نے بھی بجلیوں والے سیاہ بادلوں سے بھرے آسمان اور سیلاب زدہ سڑکوں کی تصاویر شیئر کیں۔
strong hailstorm hit Montmelian. France #hail #hailstorm #granizo #granizada #weather #Climat pic.twitter.com/kjWRRMpUVU
— BRAVE SPIRIT (@Brave_spirit81) June 6, 2022
مقامی حکام کے مطابق ایفل ٹاور سے بھی آسمانی بجلی ٹکرائی، تاہم کوئی نقصان نہیں ہوا، پیرس کے مشرق میں آسمانی بجلی گرنے سے چھتوں کو آگ لگ گئی۔
#SevereWeather 📹
Intense hailstorms in the #Bergerac district, France.In the last few hours, storms ⛈ have been raging in the Dordogne department, where hail has reached a considerable size. pic.twitter.com/INDDz80B7S
— Meteored | YourWeather (@MeteoredUK) June 2, 2022
ہفتے کے روز آنے والے طوفان کے بعد اتوار کو ہزاروں گھر بجلی سے محروم رہے، پیرس کے اورلی ہوائی اڈے سے باہر کی پروازیں ہفتے کے روز عارضی طور پر معطل کر دی گئیں، اور چارلس ڈی گال پر پروازوں میں تاخیر ہوئی۔
فرانسیسی وزیر داخلہ جیرالڈ درمانین نے ایک ٹویٹ میں کہا کہ سیلاب میں بہہ جانے والی ایک خاتون نارمنڈی شہر روئن میں ایک کار کے نیچے مردہ پائی گئی، خاتون کی موت کیسے اور کیوں واقع ہوئی، اس کی وجہ واضح نہیں ہوئی۔
