The news is by your side.

Advertisement

پیراگلائیڈنگ کے دوران خاتون کے ساتھ دلچسپ واقعہ، ویڈیو وائرل

استنبول : ترکی میں پیرا گلائیڈنگ کے دوران خاتون نے اپنا توازن کھو دیا لیکن چند سیکنڈ بعد ہی اس نے معجزانہ طور پر کنٹرول کرلیا، دیکھنے والے اسے بت بن کر حیرت سے دیکھتے رہے۔

ان دنوں ایک خاتون کی ایک حیرت انگیز ویڈیو سوشل میڈیا پر خوب وائرل ہورہی ہے، یوٹیوب پر اپ لوڈ کی گئی ایک ویڈیو میں دکھایا گیا گیا ہے کہ دو خواتین پیرا گلائیڈنگ کرتے ہوئے ہواؤں میں اڑ رہی ہیں۔

طوبیٰ ترکسیف نامی خاتون ماہر انسٹرکٹر آیسنور کٹیریسی کے ساتھ پیرا گلائیڈنگ پر تھی، یہ دونوں خواتین ترکی کے ایک پرفضا مقام پر اڑ رہی تھیں۔ انسٹرکٹر اپنے پیرا شوٹ کو اوپر نیچے کررہی تھی جبکہ طوبیٰ  بھی اس سے لطف اندوز  ہو رہی تھی۔

اسی دوران خاتون انسٹرکٹر نے کچھ ایسے مووز کیے جس کے نتیجے میں پیرا شوٹ گھوم گیا۔ اچانک زوردار ہوا کی وجہ سے ان کے پیرا شوٹ نے مکمل طور پر گھوم کر اپنی سمت موڑ لی جس سے طوبیٰ نامی خاتون کا چشمہ اس کی گود میں گر گیا۔

غیر ملکی خبر رساں ادارے کی رپورٹ کے مطابق کچھ لمحے بعد ہی معجزانہ طور پر ہوا کا دباؤ کم ہوا اور پیرا شوٹ اپنی پہلی والی پوزیشن پر آگیا، اس خطرناک منظر کے دوران یہ دونوں خواتین گھبرانے کے بجائے پرسکون رہیں۔

سوشل میڈیا پر صارفین نے اس ویڈیو کو بے حد پسند کیا اور حیرت کا اظہار کرتے ہوئے کمنٹس میں اپنے خیالات لکھے، ایک صارف نے لکھا کہ یہ پاگل پن ہے! کیونکہ یہ کتنا غیرممکن اور خوفناک عمل تھا کہ جو آپ کو نقصان بھی پہنچا سکتا تھا۔

Comments

یہ بھی پڑھیں