The news is by your side.

Advertisement

پورے جہاز میں صرف ایک خاتون مسافر، آگے کیا ہوا؟ ویڈیو وائرل

ناروے : ہم نے اکثر فضائی سفر کے دوران اس بات کا مشاہدہ کیا ہے کہ جہاز میں تمام سیٹوں پر مسافر موجود ہوتے ہیں اور ایک گہما گہمی کا سا منظر ہوتا ہے۔

بعض لوگ تو چاہتے ہیں کہ کہ اس شور شرابے سے بچنے کیلئے پورے جہاز میں اکیلے ہی سفر کرسکیں لیکن ایسا کرنا تقریباً ناممکن ہے۔

لیکن خلاف توقع ناروے میں ایک ایسا واقعہ پیش آیا ہے کہ جس میں پورے جہاز میں صرف ایک خاتون مسافر موجود تھی، جسے پورے جہاز میں اکیلے سفر کرنے کا موقع ملا۔

مذکورہ خاتون ارورہ ٹوریس کو جب پتہ چلا کہ وہ فلائٹ میں واحد مسافر ہے تو اس نے سفر کو خوب انجوائے کیا اور تصاویر لیتے ہوئے اس سفر کو یادگار بھی بنایا یہ فلائٹ ناروے سے ریروس جارہی تھی۔

فلائٹ اٹینڈنٹ نے اس سے پوچھا کہ کیا وہ پائلٹس کے ساتھ کاک پٹ میں بیٹھنا پسند کریں گی، جسے اس نے خوشی سے قبول کرلیا ، ہوائی سفر پر کوویڈ19 کی پابندیاں نرم ہو رہی ہیں، لوگ دوبارہ ہوائی سفر کررہے ہیں۔

ارورہ ٹوریس نامی خاتون نے اپنی زندگی میں پہلی بار پیش آنے والے اس تجربے کی ویڈیو سوشل میڈیا پر پوسٹ کی جو دیکھتے ہی دیکھتے وائرل ہوگئی۔

اپنی ویڈیو میں ارورہ نے اپنے سفر کے مناظر کو شیئر کیا ہے۔ اس نے اپنے اردگرد خالی سیٹوں پر قبضہ کرلیا اور دو پائلٹوں کے بالکل پیچھے ہیڈ سیٹ لگا کر ان کے ساتھ بیٹھ گئی۔

ارورہ ٹوریس نے بتایا کہ مجھے بورڈنگ کے دوران خبر ملی تھی کہ میں جہاز کی اکلوتی مسافر ہوں، فلائٹ اٹینڈنٹ میرے ساتھ بہت خوش اخلاقی سے پیش آیا اور ہم نے کچھ دیر بات چیت کی۔.

خاتون کے مطابق یہ سفر50 منٹ تک جاری رہا اور اس نے مجھ سے پوچھا کہ کیا میں آخری 30 منٹ لینڈنگ میں کاک پٹ میں شامل ہونا چاہتی ہوں یہ بات میرے لیے کسی اچھنبے سے کم نہیں تھی۔

یہ ویڈیو سوشل میڈیا پلیٹ فارمز پر وائرل ہوچکی ہے، اس نے اب تک صرف انسٹاگرام پر 27,000 سے زیادہ صارفین نے اپنے تبصرے کیے ہیں۔

Comments

یہ بھی پڑھیں