آن لائن شاپنگ کرنے والے کچھ لوگوں کے ساتھ اکثر دھوکا ہوجاتا ہے وہ منگواتے کچھ ہیں اور بھیج کوئی دوسری چیز جاتی ہے۔
ایسا ہی کچھ ایمیزون سے کرسی آرڈر کرنے والی خاتون کے ساتھ ہوا انہوں نے کرسی آرڈر کی تو انہیں خون جمع کرنے والی ایک ٹیوب بھیج دی گئی جو بھری ہوئی تھی۔
نیویارک سے تعلق رکھنے والی جین بیگاکیس نامی خاتون نے ٹویٹر پر پوسٹ شیئر کرتے ہوئے لکھا کہ کیا آپ مجھ پر یقین کریں گے کیونکہ میرے پاس الفاظ نہیں ہیں۔
خاتون نے لکھا کہ "میں خوفزدہ اور الجھن میں ہوں۔”
جین نے ایک گتے کے باکس کی ویڈیو شیئر کی جس میں باکس کے ساتھ بلڈ کلیکشن ٹیوب رکھی ہوئی ہے اور لکڑی کے کچھ ٹکڑے بھی موجود ہیں۔
انہوں نے کہا کہ میں نے باکس کو فی الحال بند کردیا ہے تاکہ کچھ سکون کا سانس لے سکوں۔
جین نے بتایا کہ ایمزون نے گزشتہ رات ای میل کی جس میں لکھا گیا کہ آرڈر وقت پر پہنچانا ہماری اولین ترجیح ہے لیکن اس کے بات سے مجھے کوئی جواب نہیں ملا میں وہیں کھڑی ہوں۔
i’m as terrified as i am confused pic.twitter.com/0tSvkqK1Oo
— Jen Begakis (@jenbegakis) June 16, 2022