میڈریڈ: اسپین کے نجی ٹی وی سے وابستہ خاتون رپورٹر نے لاٹری نکلنے پر براہ راست نشریات کے دوران استعفیٰ دیا جو اُن کے گلے پڑ گیا۔
اسپین کے نجی جی چینل ’ٹی وی ای‘ کی خاتون رپورٹر لاٹری کی قرعہ اندازی کی براہ راست رپورٹنگ کررہی تھیں کہ اسی دوران پہلے انعام کا اعلان ہوا۔
خاتون رپورٹر جلد بازی میں پورے نمبر نہ سُن سکیں اور وہ سمجھیں کہ شاید پہلے انعام والی لاٹری کا نمبر اُن کے پاس ہے۔ اس موقع پر وہ نہ صرف خوشی سے آب دیدہ ہوئیں بلکہ انہوں نے اپنی ملازمت چھوڑنے کا بھی اعلان کیا۔
رپورٹر نتالیہ ایسکو ڈیرو لاٹری کے نتائج سنتے ہی سمجھیں تھیں کہ شاید ان کا 4 ملین یورو کا انعام نکلا ہے جبکہ اُن کا انعام بہت کم مالیت کا تھا۔
Aquí la tienes: "la reportera de La 1” de la que habla todo el mundo a estas horas. ¡Se llama Natalia Escudero! #LoteríaRTVE
🔴 Directo ➡ https://t.co/pfgTOQpaaN pic.twitter.com/58j3ACuNte
— TVE (@tve_tve) December 22, 2019
بعدازاں انہوں نے نمبروں کی چانچ پڑتال کی تو معلوم ہوا کہ ان کا انعام بہت کم ہے تو وہ اپنے کیے پر شرمندہ ہوئیں اور انہوں نے اپنے رویے پر انتظامیہ اور ناظرین سے معذرت کرتے ہوئے بتایا کہ میں بہت مشکل حالات میں زندگی گزار رہی ہوں۔
