The news is by your side.

Advertisement

ماں نے بیٹے کو انوکھی سزا دے دی، ویڈیو وائرل

بھارت میں ماں نے بیٹے کی نشے کی لت سے تنگ آکر انوکھی سزا دے دی جس کی ویڈیو وائرل ہوگئی۔

بھارتی ریاست تلنگانہ کے سوریا پیٹ ضلع میں ماں نے بیٹے کی نشے کی عادت سے تنگ آکر اس کے چہرے پر مرچیں مل دیں جس کی ویڈیو سوشل میڈیا پر خوب وائرل ہورہی ہے۔

ویڈیو میں دیکھا جاسکتا ہے کہ خاتون نے 15 سالہ بیٹے کو کھمبے سے باندھا اور اس پر ہی بس نہیں کیا بلکہ اس کے چہرے پر مرچوں کا پاؤڈر مل دیا۔

ویڈیو میں دیکھا جاسکتا ہے لڑکے کے ہاتھ ایک خاتون نے پکڑ رکھ رہے ہیں اور نوجوان جلن کی وجہ سے چیخ رہا ہے، خاتون کو قریب کھڑے موجود کچھ لوگ بیٹے کے چہرے پر پانی ڈالنے کا مشورہ بھی دے رہے ہیں۔

بیٹے نے جب نشے کی عادت ترک کرنے کا وعدہ کیا تو ماں نے بیٹے کو کھول دیا۔

ویڈیو سوشل میڈیا پر وائرل ہوئی تو صارفین کے درمیان بھی بحث چھڑ گئی کہ آیا یہ پرانا طریقہ کارآمد ثابت ہوگا یا نہیں۔

کچھ صارفین نے لکھا کہ یہ طریقہ نتیجہ خیز ثابت ہوسکتا ہے کچھ نے کہا کہ اس سے کوئی فرق نہیں پڑے گا۔

پولیس کے مطابق حالیہ دنوں متعدد نوجوان اور طلبا منشیات کے عادی ہوچکے ہیں اور وہ جرائم اور دیگر سرگرمیوں میں ملوث ہیں۔

پولیس نے والدین سے درخواست کی ہے کہ وہ اپنے بچوں کی سرگرمیوں پر نظر رکھیں اور بلا جھجک پولیس سے رجوع کریں یا معلومات فراہم کریں تاکہ اس طرح کی سرگرمیوں کو روکا جاسکے۔

Comments

یہ بھی پڑھیں