بلاشبہ ماں شفقت، خلوص، بے لوث محبت اور قربانی کا دوسرا نام ہے، جس کا مظاہرہ ایک بہادر ماں نے اپنی 5 سالہ بیٹی کی جان رینگ ٹیل کیٹ خرسک نامی جنگلی جانور سے بچاکر کیا۔
سوشل میڈیا پر امریکی ریاست کنیکٹیکٹ سے ایک ویڈیو وائرل ہورہی ہے جس میں دیکھا جاسکتا ہے کہ ایک سَر پِھرے خرسک (ایک گوشت خور جنگلی جانور، جو شمالی امریکا میں پایا جاتا ہے) نے اسکول وین کی منتظر 5 سالہ بچی پر اس کے گھر کے دروازے پر حملہ کردیا۔
سی سی ٹی وی فوٹیج میں دیکھا جاسکتا ہے خرسک بچی کی ٹانگ سے چمٹ جاتا ہے جس کے بعد ننھی بچی اپنی جان بچانے کے لیے اپنی ماں کو آوازیں لگاتی ہے۔
بچی کی چیخ و پکار سن کر اس کی ماں اپنی جان کی پروا کئے بغیر فوراً راکون پر جھپٹتی ہے اور اس کے پنجوں سے اپنی بیٹی کو چھڑوا کر گھر کے اندر کرتی ہے۔
https://twitter.com/short_tymer/status/1599038138399088640?s=20&t=UoflgXLY3RpbiCLIg56tAA
ویڈیو میں دیکھا جاسکتا ہے کہ خرسک بچی کو چھوڑنے کے بعد ماں کے ہاتھ کو قابو کر لیتا ہے، لیکن ماں اپنی جان کے پرواہ کیے بغیر اپنے بیٹی کو گھر کے اندر محفوظ کرتی ہے۔
اس کے بعد دیگر گھر والوں کو چیخ چیخ کر بتاتی ہے، لیکن خرسک اس پر چمٹا ہی رہتا ہے جس کے بعد وہ کسی نہ کسی طرح اس خون خوار جانور کی گرفت سے چھڑا کر اسے دور پھینک دیتی ہے۔
