The news is by your side.

Advertisement

فیروزوالا میں سسرالیوں کےہاتھوں جلائی جانے والی خاتون دم توڑ گئی

لاہور: صوبہ پنجاب کے شہرشیخوپورہ میں سسرالیوں کے ہاتھوں جلائی جانے والی خاتون میواسپتال میں جان کی بازی ہار گئی۔

تفصیلات کے مطابق شیخوپورہ کےعلاقے فیروزوالا میں سسرالیوں کے ہاتھوں جلائی جانے والی خاتون لاہور کے میو اسپتال میں دم توڑ گئی۔

اسپتال ذرائع کے مطابق فوزیہ کوگزشتہ روز تشویش ناک حالت میں میواسپتال منتقل کیا گیا تھا اور اس کے جسم کا بیشترحصہ جھلس گیا تھا۔

فوزیہ نے پولیس کو بیان ریکارڈ کرواتے ہوئے بتایا تھا کہ اس کی دو سال قبل شمریز سے شادی ہوئی تھی اور کچھ عرصے بعد شوہر روزگار کے لیے بیرون ملک چلا گیا تھا۔

فوزیہ کا کہنا تھا کہ سسرالیوں کے تنگ کرنے پروہ میکے چلی گئی تھی لیکن دو روز قبل اس کے شوہر نے فون کر اسے سسرال جانے کو کہا تھا۔

پولیس حکام نے خاتون کے بیان پرمقدمہ درج کرکے تفتیش کا آغاز کردیا ہے۔

قصورمیں سسرالیوں نے بہو کومبینہ طورپرآگ لگادی

خیال رہے کہ رواں سال 19 فروری کو صوبہ پنجاب کے شہر قصور میں سسرالیوں نے مبینہ طوربہو پر پٹرول چھڑک کر آگ لگادی تھی جس کے نتیجے میں خاتون کے جسم کا 80 فیصد حصہ جھلس گیا تھا۔

یاد رہے کہ 13 اپریل 2016 کو لاہور کے علاقے مزنگ میں سسرالیوں نے مبینہ طور پربہو کو تیل چھڑک کرآگ دی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں