واشنگٹن: رات میں عجیب آوازوں سے پریشان خاتون نے صبح گارڈن کی سی سی ٹی وی فوٹیج دیکھی تو اس کے ہوش اڑ گئے، یہ فوٹیج سوشل میڈیا پر شیئر ہونے کے بعد تیزی سے وائرل ہو گئی۔
تفصیلات کے مطابق سوشل میڈیا پر اکثر لوگ عجیب و غریب واقعات کی ویڈیوز شیئر کرتے ہیں، ایسی ہی ایک ویڈیو جب سوشل میڈیا پر آئی تو بڑی تیزی سے وائرل ہو گئی۔
یہ ویڈیو ایک خاتون نے شیئر کی تھی، خاتون کو کئی دنوں سے راتوں کو پیچھے والے گارڈن سے عجیب و غریب آوازیں سنائی دے رہی تھیں، جن سے وہ کافی پریشان تھی، جب خاتون نے سی سی ٹی وی کیمروں کی فوٹیجز چیک کیں تو اس پر دہشت طاری ہو گئی۔
اس ویڈیو میں گھر کے پائیں باغ میں ایک واضح اور عجیب سی پرچھائیں ٹہلتی نظر آ رہی ہے، سوشل میڈیا پر اسے کسی نے بھوت والی ویڈیو کہا تو کسی نے کہا یہ دراصل روشنی سے پیدا ہونے والا ہیولا ہے۔
Can you see in the beginning, the ghost in the upper right corner? Even the horse in the middle left by the tree turns to look at it. from r/Ghosts
واشنگٹن کے قریب کنٹری سائڈ علاقے میں رہنے والی خاتون نے بتایا کہ اس کے گھر کے پیچھے جانوروں کا چارہ رکھنے کے لیے لکڑی کا ایک بڑا احاطہ ہے، اس احاطے سے گزشتہ چند ہفتوں سے رات میں عجیب آوازیں آ رہی تھیں اور گھوڑے بھی کافی ڈرے ہوئے نظر آ رہے تھے۔
خاتون کا کہنا تھا کہ جب یہ معلوم کرنے کے لیے کہ اس احاطے میں کیا ہو رہا ہے، اس نے سی سی ٹی وی کیمرے کی فوٹیج چیک کی تو وہ دہشت زدہ ہو گئی کیوں کہ اس میں یہ عجیب سی پرچھائیں ٹہلتی دکھائی دی۔
خاتون کا کہنا تھا کہ وہ پرچھائیں دیکھ کر ڈر گئی تھی، یہ کسی انسان کا ہیولا نہیں ہو سکتا تھا کیوں کہ گھر کا دروازہ بند تھا، کسی کے اندر آنے کا امکان ہی نہیں تھا۔
دوسری طرف سوشل میڈیا صارفین کا کہنا تھا کہ اکثر سی سی ٹی وی فوٹیج میں اس طرح کی پرچھائیں دکھائی دے جاتی ہے، یہ روشنی کے اینگل کے سبب ہوتا ہے اور اسے ٹرانسلیوسینٹ کہتے ہیں۔
