ابوظہبی میں عدالتی فیصلہ سوشل میڈیا پر شیئر کرنا خاتون کو مہنگا پڑ گیا۔
اماراتی میڈیا کے مطابق کیس کا عدالتی فیصلہ انسٹاگرام پر شیئر کرنے والی خاتون کو عدالت نے 20 ہزار درہم جرمانہ کر دیا۔
دستاویز میں ایک شخص کے نام کے ساتھ انسٹاگرام پر عدالتی فیصلے کی کاپی شیئر کرنے کے بعد ابوظہبی کی رہائشی خاتون کو بدنامی اور رازداری پر حملہ کرنے کا قصوروار پایا گیا ہے۔
ابوظہبی سول فرسٹ انسٹی ٹینس کورٹ کے ریکارڈ کے مطابق ایک شخص نے اس خاتون کی انسٹاگرام پوسٹ کو دیکھنے کے بعد یہ مقدمہ دائر کیا کہ عدالتی مقدمے میں سزا پانے والے شخص اور اس کا نام ایک ہی ہے۔
مقدمے میں کہا گیا کہ خاتون نے سوشل میڈیا پر میرا نام بدنام کیا اور کردار کشی کی جس پر 2 لاکھ درہم ہرجانہ ادا کیا جائے۔
عدالت نے مقدمے کا فیصلہ سناتے ہوئے خاتون کو قصوروار قرار دیا اور 20 ہزار درہم ہرجانہ ادا کرنے کا حکم سنایا۔
