تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

سعودی فٹبال فیڈریشن، خاتون نے رکنیت کی درخواست جمع کروا دی

ریاض : سعودی عرب کی تاریخ میں پہلی مرتبہ ایک خاتون نے فٹبال فیڈریشن کی رکینت حاصل کرنے کے لیے درخواست جمع کروا دی ہے۔

تفصیلات کے مطابق سعودی عرب کے اعلیٰ حکام کی جانب سے خواتین کو ڈرائیونگ کی اجازت دینے کے بعد سے مختلف شعبوں میں نمائندگی دینا شروع کردی ہے، حالیہ دنوں نئی اصلاحات کے تحت سعودی فٹبال فیڈریشن نے خواتین کے لیے دروازے کھول دئیے ہیں۔

غیر ملکی خبر رساں ادارے کا کہنا تھا کہ سعودی تاریخ میں پہلی مرتبہ ایک خاتون نے فٹبال فیڈریشن کی رکنیت حاصل کرنے کے لیے درخواست جمع کروائی ہے۔

عرب خبر رساں ادارے سے گفتگو کرتے ہوئے سعودی فٹبال فیڈریشن کے چیئرمین شپ کے امیدوار قسی الفواز نے کہا ہے کہ فیڈریشن کی رکینیت کے حصول کے لیے سعودی خاتون بھی امیدوار ہے۔

عرب میڈیا کا کہنا ہے کہ قصی الفواز سعودی فٹبال فیڈریشن کے بلامقابلہ امیدوار ہیں، بورڈ اگلے ماہ فٹبال فیڈریشن کا چیئرمین منتخب کرے گا۔

مقامی خبر رساں ادارے کا کہنا تھا کہ فٹبال فیڈریشن کے امیدوار چیئرمین قصی الفواز نے انتخاب سے قبل ہی لوئی السبیعی فیڈریشن کا سیکرٹری جنرل اور نائب بھی مقرر کرلیا ہے جبکہ برطانوی روجر ڈرابر سمیت دو سعودی شہریوں ڈائریکٹر بورڈ کا رکن نامزد کردیا۔

یاد رہے کہ چند روز قبل سعودی عرب کی حکومت نے ریاست کے سرکاری نشریاتی پر پہلی مرتبہ خاتون نیوز کاسٹر کو خبرنامہ پڑھنے کے لیے متعارف کروا گیا تھا۔

اس سے قبل ریاستی حکام کی جانب سے پانچ سعودی خواتین کو جنرل اتھارٹی آف سول ایوی ایشن نے سعودی عرب کی ایئر لائن کے جہاز اڑانے کے لیے پائلٹ کا لائسنس دیا تھا۔

سعودی حکام کی جانب سے وژن 2030 کے تحت خواتین کو گاڑی چلانے کی اجازت دی گئی تھی جس کے بعدد خواتین نے آن لائن ٹیکسی سروس میں خدمات انجام دینا شروع کردی تھی۔

Comments

- Advertisement -