The news is by your side.

Advertisement

رکشے کے انتظار میں کھڑی شادی شدہ خاتون سے اجتماعی زیادتی

چکوال :  ملزمان نے رکشہ کے انتظار میں کھڑی شادی شدہ خاتون کو اجتماعی زیادتی کا نشانہ بنا ڈالا ، پولیس نے خاتون سے زیادتی کا مقدمہ درج کرلیا ہے۔

تفصیلات کے مطابق پنجاب میں خاتون سے اجتماعی زیادتی کا ایک اور واقعہ سامنے آیا ، جہاں چکوال میں تھانہ صدر کے قصبہ اوڈھروال میں ملزمان نے رکشہ کے انتظار میں کھڑی خاتون کوزیادتی کا نشانہ بنایا اور واقعے کے بعد ملزمان فرار ہوگئے۔

پولیس نے تلہ گنگ کےعلاقے میں خاتون سے زیادتی کا مقدمہ درج کرلیا ہے ، ،متاثرہ خاتون نے بیان میں کہا کہ 3ملزمان نے اسلحہ کےزورپرزیادتی کی۔

دوسری جانب چکوال کے مختلف علاقوں میں مبینہ زیادتی کے 2 اور واقعات پیش آئے، ذرائع کے مطابق صدر چکوال کے قصبہ بہکڑی میں اسامہ نامی نوجوان نے اپنے دو ساتھیوں کی مدد سے اسلحہ کے زور پر لڑکی کو مبینہ زیادتی کا نشانہ بنایا۔

دوسرے واقعے میں تلہ گنگ میں شادی شدہ خاتون کو اس کے دیور نے چار ماہ تک زیادتی کا نشانہ بنایا، پولیس نے واقعات کے مقدمات درج کر لئے ہیں تاہم کسی بھی ملزم کی گرفتاری عمل میں نہیں آسکی ہے۔

Comments

یہ بھی پڑھیں