لندن، ایک دن میں ڈیڑھ لاکھ پاؤنڈ کی خریداری، خاتون کی شناخت ہوگئی london
The news is by your side.

Advertisement

لندن، ایک دن میں ڈیڑھ لاکھ پاؤنڈ کی خریداری، خاتون کی شناخت ہوگئی

لندن: برطانیہ میں ایک دن میں ڈیڑھ لاکھ پاؤنڈ کی خریداری کرنے والی خاتون کی شناخت ہوگئی، خاتون کا نام ضمیرہ حاجیوہ ہے جس کا تعلق آذربائیجان سے ہے۔

غیرملکی خبررساں ادارے کے مطابق لندن میں ایک دن میں ڈیڑھ لاکھ پاؤنڈ کی خریداری کرنے والی خاتون کی شناخت بتادی گئی ہے، خاتون کا نام ضمیرہ حاجیوہ ہے جس کا تعلق آذربائیجان سے ہے، ضمیرہ کے نام لندن میں لاکھوں پاؤنڈز کے گھر ضبط کیے جانے کا امکان ہے۔

لندن ہائی کورٹ کی جانب سے ضمیرہ حاجیوہ کو آمدن کے ذرائع دکھانے کا حکم دیا گیا ہے، ذرائع ثبوت نہ ہونے کی صورت میں جائیداد ضبط ہوجائے گی۔

مزید پڑھیں: لندن میں خاتون کی ڈھائی ارب روپے کی شاپنگ نے نیشنل کرائم ایجنسی کو چکرا دیا

واضح رہے کہ برطانیہ میں ضمیرہ حاجیوہ کی شاپنگ نے نیشنل کرائم ایجنسی کو اس وقت چکرا کر رکھ دیا تھا جب انہیں معلوم ہوا کہ خریداری ڈھائی ارب روپے پر مبنی ہے۔

شاپنگ کرنے والی خاتون نے ایک ہی دن میں ایک لگژری شاپ سے ڈیڑھ لاکھ پاؤنڈز (تقریباً ڈھائی کروڑ روپے) کے زیورات خریدے، اس شاپنگ کے لیے خاتون نے پینتیس کریڈٹ کارڈز استعمال کیے تھے۔

خاتون کا لندن میں ساڑھے سات ملین پاؤنڈ کا گھر ہے، وہ پرائیویٹ جیٹ پر سفر کرتی ہیں اور انھوں نے لندن کے ڈیپارٹمنٹ اسٹور ہیروڈز میں ایک بار ایک کروڑ 60 لاکھ پاؤنڈز (تقریباً ڈھائی ارب روپے) خرچ کیے۔

Comments

comments

یہ بھی پڑھیں