تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

خاتون کا زبردستی میڈیکل چیک اپ، ایئرلائن کو مہنگا پڑگیا

ہانگ کانگ سٹی : ہانگ کانگ ائیر لائن ایک خاتون کا پرواز میں سوار ہونے سے قبل زبردستی حمل ٹیسٹ لینا مہنگا پڑگیا۔

غیر ملکی خبر رساں ادارے کی رپورٹ کے مطابق ہانگ کانگ ائیر لائن نے پیسیفک آئس لینڈ جانے والی ایک جاپانی خاتون کا طیارے میں سوار ہونے سے قبل زبردستی حمل ٹیسٹ کیا۔

خاتون سے چیک ان کرتے وقت ان کے حاملہ ہونے سے متعلق سوالات کیے گئے جس پر انہوں نے بتایا کہ وہ حاملہ نہیں ہیں لیکن ائیرلائن اسٹاف نے ان کی بات نہ مانتے ہوئے کہا کہ وہ اپنی جسامت سے حاملہ نظر آتی ہیں جس کے بعد انہیں زبردستی بیت الخلاء لے جایا گیا جہاں ان کا یورین کے ذریعے حمل ٹیسٹ کیا گیا۔

خاتون نے غیر ملکی میڈیا سے گفتگو کرتے ہوئے کہا کہ ان کا حمل ٹیسٹ منفی آیا اور یہ سب ایک تذلیلی عمل تھا۔

خاتون کے مطابق انہوں نے سیپان میں پرورش پائی اور وہاں اپنے اہل خانہ کے ساتھ 20 سال سے زائد کا عرصہ گزار چکی ہیں، خاتون کے ساتھ اس عمل کی خبر سامنے آنے پر ائیرلائن نے خاتون سے معذرت کی اور حمل چیک کرنے کے اس عمل کو بھی فوری معطل کردیا۔

ائیرلائن کی جانب سے جاری بیان میں کہا گیا کہ اس پریکٹس کو فوری طور پر معطل کردیا گیا ہے اور واقعے پر خاتون سے معذرت خواہ ہیں۔

ائیرلائن کے بیان میں مزید کہا گیا کہ انہوں نے یہ ایکشن فروری 2019 سے سیپان جانے والی پروازوں کے لیے لیا تھا جس کا مقصد امریکی امیگیریشن قوانین پر عملدر آمد کو یقینی بنانا تھا۔

Comments

- Advertisement -