The news is by your side.

ایشیا کپ سے قبل قومی ٹیم کی کپتان کو ہٹائے جانے کا امکان

لاہور: ویمن ایشیا کپ ٹی 20 سے قبل قومی ٹیم کی کپتان کو ہٹائے جانے کا امکان ہے۔

اے آر وائی نیوز کے مطابق ایشیا کپ سے قبل قومی کرکٹ ٹیم کی کپتان بسمہ معروف کی چھٹی پر مشاورت مکمل کرلی گئی ہے جبکہ ان کی جگہ تجربہ کارآل راؤنڈر ندا ڈار قیادت کی مضبوط امیدوار ہیں۔

ایونٹ کےاسکواڈ کےلیے ہیڈکوچ ڈیوڈ ہیمپ کےبغیر ٹرائل میچز کروائیں جائیں گے۔

ذرائع کا بتانا ہے کہ اچھی کارکردگی کا مظاہرہ کرنے والی جویریہ خان اور ناہیدہ خان سمیت دیگر سینیئرز کو نظرانداز کردیا گیا ہے۔

واضح رہے کہ ایونٹ یکم اکتوبرسے بنگلادیش میں کھیلا جائےگا جبکہ قومی ٹیم 28 ستمبر کو اڑان بھرے گی۔

ایشیا کپ یکم اکتوبر سے 16 اکتوبر تک کھیلا جائے گا، جس میں بنگلہ دیش، پاکستان، بھارت، سری لنکا، تھائی لینڈ، ملائیشیا اور متحدہ عرب امارات (یو اے ای) کی ٹیمیں حصہ لیں گی۔

Comments

یہ بھی پڑھیں