The news is by your side.

Advertisement

نئے خریدے گھر سے کیا دریافت ہوا؟ خاتون خوفزدہ

امریکا میں ایک خاتون اس وقت خوفزدہ اور حیران رہ گئیں جب ان کے نئے خریدے ہوئے گھر میں اچانک ایک تہہ خانہ دریافت ہوگیا۔

سماجی رابطے کی ویب سائٹس پر پوسٹ کی گئی اپنی ویڈیوز میں وہ بتاتی ہوئی نظر آرہی ہیں کہ انہوں نے یہ گھر ایک سال قبل خریدا تھا، اس کے پرانے مالکان جو ایک بے اولاد جوڑا تھا نہایت جلدی میں دکھائی دیتا تھا اور انہوں نے نہایت سستے داموں گھر کو فروخت کیا۔

خاتون کا کہنا تھا کہ کافی عرصہ گزر جانے کے بعد ایک روز انہوں نے فرش سے قالین ہٹایا تو وہاں ایک دروازہ موجود تھا، دروازہ کھولنے پر وہاں پراسرار سیڑھیاں نیچے جاتی نظر آئیں۔

ابتدا میں خاتون نیچے جانے سے خوفزدہ تھیں کیونکہ وہاں سے ہلکی سی بھنبھناہٹ نما آواز آرہی تھی، انہوں نے اپنے دوستوں کو ساتھ لے کر نیچے جانا چاہا لیکن وہ بھی آواز سن کر خوفزدہ ہوگئے۔

بعد ازاں خاتون خود ہی ہمت کر کے نیچے اتریں تو وہاں ٹوٹا پھوٹا فرنیچر اور کچرا پڑا ہوا دکھائی دیا۔

خاتون کا کہنا تھا کہ پرانے مالکان نے اس تہہ خانے کے بارے میں کچھ نہیں بتایا تھا اور وہ اسے اتفاقیہ دریافت کرنے پر نہایت خوفزدہ ہوگئی تھیں۔

Comments

یہ بھی پڑھیں