کراچی کے نجی ہوٹل سے ایک خاتون کی لاش برآمد ہوئی ہے جسے بہیمانہ تشدد کے بعد چھری کے وار کرکے قتل کیا گیا ہے۔
اے آر وائی نیوز کی رپورٹ کے مطابق کراچی کے علاقے شاہراہ فیصل نرسری کے قریب ہوٹل سے خاتون کی لاش ملی ہے۔
اس حوالے سے پولیس حکام کا کہنا ہے کہ 25 سالہ مقتولہ کو سابق شوہر نے چھری کے وار کرکے قتل کیا، خاتون اور ملزم کے درمیان مبینہ طور پر علیحدگی ہوچکی تھی۔
مقتولہ خاتون اپنے سابق شوہر کے ساتھ ہوٹل میں موجود تھی، شوہر کے دوبارہ رابطہ کرنے کی کوشش کے دوران جھگڑا ہوا، خاتون کو تشدد اور چھری کے وار کر کے قتل کیا گیا ہے۔
پولیس کا مزید کہنا ہے کہ خاتون کا سابق شوہر مبینہ طور قتل کی واردات کے بعد فرارہونے میں کامیاب ہوگیا، مقتولہ چنیسرگوٹھ کی رہائشی اور 3بچوں کی ماں تھی، لاش کو دیگر قانونی کارروائی کیلیے اسپتال منتقل کردیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں