The news is by your side.

Advertisement

ماسک کے اوپر زیور پہننے کا خاتون کا انوکھا انداز وائرل

نئی دہلی: بھارت میں کورونا وائرس نے تباہی مچا رکھی ہے لیکن اس کے باوجود شادی کی تقریبات میں کمی نہیں آسکی، شادی کی تقریب میں خاتون نے فیس ماسک کے اوپر جیولری پہننے کا انوکھا انداز اپنایا جو وائرل ہوگیا۔

انڈین پولیس آفیسر دیپانشو کبرا نے سماجی رابطے کی ویب سائٹ ٹویٹر پر ایک خاتون کی تصویر شیئر کی جن کو زیورات اتنے پسند ہیں کہ انہوں نے ماسک کے اوپر ہی جیولری پہن لی۔

دیپانشو کبرا نے یہ تصویر جیولری جگاڑ کے ہیش ٹیگ کے ساتھ شیئر کی۔

تصویر میں دیکھا جاسکتا ہے کہ خاتون نے نتھنی کو ماسک کے اوپر ہی سیٹ کرلیا جسے دیکھنے والا ہر شخص قہقہہ لگانے پر مجبور ہوگیا۔

خاتون کی تصویر پر ٹویٹر صارفین کی جانب سے دلچسپ تبصروں کا سلسلہ جاری ہے۔

ایک صارف نے لکھا کہ ’لپ اسٹک لگانے کا بھی کوئی انداز ہونا چاہیے۔

راجیش مدارس نامی صارف نے اپنے خیال کا اظہار کرتے ہوئے خاتون کو جیولری کا شوروم ہی قرار دے دیا۔

ایک اور صارف نے لکھا کہ ’جان جائے پر جیولری نہ جائے۔‘

Comments

یہ بھی پڑھیں