The news is by your side.

سفاک ملزم نے دن دہاڑے خاتون کے گلے پر چھری پھیر دی، ویڈیو وائرل

کیرالہ : بھارت میں ایک عورت کو سفاکانہ انداز سے قتل کرنے کا واقعہ پیش آیا ہے جس کی ویڈیو سوشل میڈیا پر وائرل ہوگئی۔

بھارتی میڈیا کی رپورٹ کے مطابق کیرالہ کے ارناکولم ضلع میں ایک شخص نے دن دہاڑے ایک خاتون کا گلا کاٹ دیا، یہ واقعہ ایک ٹریول ایجنسی میں ویزا کے تنازعہ پر پیش آیا، زخمی خاتون آئی سی یو میں داخل ہے۔

پولیس کا کہنا ہے کہ ملزم کو ایک ریکروٹمنٹ ایجنسی میں ملازمت کرنے والی خاتون پر قاتلانہ حملے کے الزام میں گرفتار کرلیا گیا ہے، واقعے کی ویڈیو سوشل میڈیا پر وائرل ہوگئی۔

ملزم کی شناخت 47 سالہ جولی جیمز کے نام سے ہوئی ہے جبکہ زخمی خاتون کا نام سوریا ہے جس کی عمر 27سال ہے۔ اس کے پورے جسم پر خراشوں کے علاوہ گردن پر دو بڑے زخم ہیں۔

زخمی خاتون کو فوری طور پر مقامی اسپتال لے جایا گیا، جہاں اسے انتہائی نگہداشت کے یونٹ میں داخل کرلیا گیا، اس کی حالت تشویشناک بتائی جارہی ہے۔

پولیس حکام نے بتایا کہ اہلکار جائے وقوعہ سے قریب ہی ڈیوٹی پر موجود تھے جنہوں نے ملزم کو حراست میں لے لیا تاہم واردات میں استعمال ہونے والا چاقو جلد ہی برآمد کرلیا جائے گا۔

پولیس کے مطابق ملزم نے ویزا پروسیسنگ کے لیے درخواست دی تھی اور 2019 میں ریکروٹمنٹ ایجنسی میں فیس ادا کی تھی اور تین سال سے کام نہ ہونے کی وجہ سے وہ شدید غصے میں تھا۔

مذکورہ ملزم ریکروٹمنٹ ایجنسی میں اپنی فیس کی رقم کی واپسی کا مطالبہ کرنے آیا تھا، خیال کیا جارہا ہے کہ اس کا نشانہ ایجنسی کا مالک تھا اور بدقسمت خاتون اس کے غصے کا شکار ہوگئی۔

Comments

یہ بھی پڑھیں