بھارت میں بارشوں اور سیلاب نے تباہی مچادی جس کے نتیجے میں متعدد افراد ہلاک اور ہزاروں بے گھر ہوگئے۔
ایسا ہی ایک واقعہ بھارتی ریاست تامل ناڈو میں ایک خاتون اور بچہ سیلابی ریلے میں پھنس گئے اور ایک تیز آبشار میں گرنے والے تھے کہ ریسکیو ورکرز نے اپنی جان خطرے میں ڈال کر ان کی زندگی بچالی۔
مذکورہ واقعہ اتوار کو تامل ناڈو کے سیلم ضلع میں اٹور کے قریب کلوارائن پہاڑیوں پر پیش آیا۔
محکمہ جنگلات کے افسران نے دونوں کو بچانے کے لیے ایک جرأت مندانہ ریسکیو آپریشن کی کوشش کی جو ایک بہتی ہوئی آبشار کے قریب پھنسے ہوئے تھے۔
ائی ایف ایس آفیشل پروین انگوسامی کی جانب سے شیئر کی گئی ویڈیو میں دیکھا جاسکتا ہے کہ کس طرح خطرناک حالات میں آپریشن کرکے ماں اور بیٹے بچایا گیا۔
A mom & child, caught in a flood were rescued by #ForestDept staff & brave villagers near Tamil Nadu’s Anaivari waterfalls, an ecotourism spot.
Two of the rescuers while returning, slipped & fell inside the water but swam across to safety. Kudos to entire team 👏 #GreenWarriors pic.twitter.com/6TDqC5qV1y
— Praveen Angusamy, IFS 🐾 (@PraveenIFShere) October 26, 2021
جنگل کے چند افسران نے کچھ مقامی لوگوں کے ساتھ مل کر پھنسے ہوئے ماں اور بچے کو محفوظ مقام پر پہنچانے کا فیصلہ کیا، اہلکار نازک چٹانوں پر چڑھ کر ان کے پاس پہنچے اور پھر ایک رسی کا استعمال کرتے ہوئے پہلے بچے کو اور پھر عورت کو بچا لیا۔
آپریشن کے دوران دو آدمی جو جنگل کے افسران کی مدد کر رہے تھے، چٹانوں سے پھسل کر بہتی ہوئی آبشار میں گر گئے تاہم ویڈیو کو ٹویٹ کرنے والے اہلکار نے بتایا کہ رضاکار تیر کر محفوظ مقام پر پہنچے۔
دریں اثنا تامل ناڈو کے وزیر اعلیٰ ایم کے اسٹالن نے سینئر حکام اور ضلعی حکام کو ہدایت دی کہ وہ سیلاب سے بچنے اور شمال مشرقی علاقوں میں ہونے والے نقصانات کو کم سے کم کرنے کے لیے مناسب احتیاطی تدابیر اختیار کریں۔