The news is by your side.

Advertisement

پاکستانی خواتین کرکٹ ٹیم کو 16 روزبعد ہیڈ کوچ مل گیا

کراچی : پاکستانی خواتین کرکٹ ٹیم کو 16 روز بعد ہیڈ کوچ مل گیا‘ سابق ٹیسٹ کرکٹرکبیر خان پاکستان ویمن ٹیم کے نئے ہیڈ کوچ مقررہوگئے۔

تفصیلات کے مطابق، سابق ٹیسٹ کرکٹر کبیر خان کو پاکستان ویمنز کرکٹ ٹیم کی کوچنگ کی دمے داری سونپ دی گئی ہے ۔ پی سی بی آفیشل کے مطابق کبیرخان کوویمنزٹیم کے کوچنگ ڈیپارٹمنٹ کا سربراہ نامزد کیا گیا ہے۔ وہ کھلاڑیوں کو ورلڈ کپ کوالیفائرز کیلئے تیار کریں گے۔

پاکستان ویمن ٹیم کے ہیڈکوچ مقرر ہونے کے بعد کبیر خان کا کہنا ہے کہ ٹیم با صلاحیت ہے۔ ضرورت صرف کھلاڑیوں کو درست راستے پر چلانے کی ہے۔

خواتین ٹیم کی کپتان ثنا میر نے کہا کہ ٹیم ورلڈ کپ کوالیفائرز میں اچھی پرفارمنس کیلئے بھرپور کوشش کریں گی۔ ثنا میر کا مزید کہنا تھا کہ ٹیم کو ہیڈ کوچ کی اشد ضرورت تھی۔ پلیئرز کی کوشش ہو گی کہ کبیر خان کے تجربے سے زیادہ سے زیادہ فائدہ اٹھایا جا سکے۔

یہاں پڑھیں :باسط علی اور محمود حامد تنازعہ، پی سی بی کا نوٹس

واضح رہے سابق ٹیسٹ کرکٹر کوسابق کھلاڑی باسط علی کی جگہ ہیڈ کوچ مقرر کیا گیا ہے ۔

یہاں پڑھیں: پاکستان کرکٹ بورڈ نے ٹیسٹ کرکٹر باسط علی کو دونوں عہدوں سےفارغ کردیا

باسط علی اورکرکٹرمحمود حامد کے درمیان تنازعے کے بعد پی سی  پی نے انہیں ان کی ذمے داریوں سے فارغ کردیا تھا۔ ویمن کرکٹ کے ہیڈ کوچ کی جگہ 16 روز تک خالی رہی تاہم کبیر خان کی آمد سے خواتین کرکٹر نے سکھ کا سانس لیا۔

ویمن کرکٹ کے سلیکشن کمیٹی کے چیئرمین محمد الیاس ہوں گے جبکہ ممبرز میں ندیم عباسی اور عروج ممتاز شامل ہیں۔ شاہد انوربیٹنگ کوچ اوراقبال امام فیلڈنگ کوچ جبکہ عائشہ اشعر ٹیم منیجرہوں گی۔

یاد رہے، کبیر خان ایک بہترین ٹیسٹ کرکٹر اور کامیاب کوچ ھیں۔ انہوں نے اس سے قبل اٖفغانستان کرکٹ ٹیم کی کوچنگ کی اور ٹیم کو ورلڈ کپ تک پہنچایا۔ وہ قومی سیزن میں حبیب بینک کو چیمپیئن بنوا چکے ہیں۔

Print Friendly, PDF & Email

Comments

comments

یہ بھی پڑھیں