The news is by your side.

Advertisement

ایشیاکپ میں شرکت کے بعد قومی ویمن کرکٹ ٹیم لاہور پہنچ گئی

لاہور: ایشیا کپ میں شرکت کے بعد قومی ویمن کرکٹ ٹیم لاہور پہنچ گئی، وطن پہنچنے والوں میں 15 رکنی ٹیم اور آفیشلز شامل ہیں۔

تفصیلات کے مطابق ایشیاکپ کے سیمی فائنل میں قومی ویمن کرکٹ ٹیم کو ناکامی کا سامنا کرنا پڑا تھا جس کے بعد ٹیم ایشیا کپ سے باہر ہوگئی تھی اور اب قومی ویمن کرکٹ ٹیم بنگلہ دیش سے براستہ دبئی وطن واپس پہنچی چکی ہے۔

کوالالمپور میں 9 جون کو کھیلے جانے والے ویمن ٹی ٹوئنٹی ایشیا کپ کے سیمی فائنل میں پاکستان اور بھارت کی ویمن ٹیمیں آمنے سامنے تھیں تاہم میچ میں بھارتی ٹیم نے پاکستان کو باآسانی سات وکٹوں سے ہرا دیا تھا۔


بنگلادیش نے پہلی بار ویمنز ایشیا کپ ٹی ٹوئنٹی کا فائنل جیت لیا، بھارت کو شکست


خیال رہے کہ ویمن ایشیا کپ کے سیمی فائنل میں پاکستانی ٹیم ناکام ہوگئی تھی، پاکستان نے پہلے بیٹنگ کرتے ہوئے مقررہ اوورز میں سات وکٹوں کے نقصان پر صرف72رنز بنائے تھے۔

جواب میں بھارتی ٹیم نے عمدہ کارکردگی کا مظاہرہ کرتے ہوئے مذکورہ ہدف تین وکٹوں کے نقصان پر باآسانی حاصل کرلیا تھا۔


ویمن ٹی ٹوئنٹی ایشیا کپ: پاکستان کو شکست، بھارت کی ٹیم فائنل میں پہنچ گئی


یاد رہے کہ بھارتی کھلاڑی سمرتی مندھانا اور ہرمن پریت کور نے ذمہ دارانہ بیٹنگ کر کے اپنی ٹیم کی فتح میں اہم کردار ادا کیا تھا بعد ازاں بھارتی ٹیم نے ایشیا کپ کے فائنل کے لئے کوالیفائی کیا لیکن بنگلہ دیش کی ٹیم سے ہار گئی جس کے بعد بنگلہ دیش پہلی بار ویمن  ٹی ٹوئنٹی ایشیا کپ کا فاتح بن گیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں