تین سال قبل قتل ہونے والی خاتون کراچی سے زندہ برآمد -
The news is by your side.

Advertisement

تین سال قبل قتل ہونے والی خاتون کراچی سے زندہ برآمد

کراچی: گھوٹکی میں مبینہ طور پر قتل ہونےوالی خاتون کو کراچی پولیس نےبازیاب کرالیا، خاتون کو تین سال قبل مردہ قرار دے دیا گیا تھا۔

تفصیلات کے مطابق سائی شیخ نامی اس خاتون کے قتل کے دو مقدمے درج کیے گئے تھے ، ایک سرکار کی اور ایک خاتون کے والد کی مدعیت میں درج کیا گیا تھا۔

تین سال قابل خان پورمہرپولیس نےمسونہرسے ایک خاتون کی لاش برآمدکی تھی، لاش کی شناخت سائی شیخ کے شوہراوروالدنے کی تھی۔پولیس کے مطابق اس وقت ملنےوالی لاش کی پوسٹ مارٹم رپورٹ بھی موجودہے۔

خاتون کی ہلاکت کاایک مقدمہ سرکارکی مدعیت میں درج کیاگیاتھا،قتل کادوسرامقدمہ خاتون کےوالدنےبھی درج کرایاتھا۔ مقدمہ ڈھائی ماہ بعدعدالتی حکم پر6ملزمان کےخلاف درج کیاتھا۔ملزمان کی عدم گرفتاری کےباعث سیکشن 512کےمطابق کیس چالان کیاگیا تھا۔

تاہم گزشتہ روز مقتولہ قرار دی جانے والی سائی شیخ کو کراچی کی پولیس نے بازیاب کرالیا۔ خاتون کو کل عدالت کے روبرو پیش کیا جائے گا۔ اطلاع ملنے پر سائی شیخ کے ورثا بھی کراچی کی جانب روانہ ہوگئے ہیں۔

Comments

comments

یہ بھی پڑھیں