امریکا میں خواتین ڈاکٹرز کی تنخواہ مرد ڈاکٹرز سے کم -
The news is by your side.

Advertisement

امریکا میں خواتین ڈاکٹرز کی تنخواہ مرد ڈاکٹرز سے کم

میامی: ایک سروے کے مطابق امریکا میں مرد ڈاکٹرز کے برابر قابلیت رکھنے والی خواتین ڈاکٹرز کو کم تنخواہیں ادا کی جارہی ہیں۔

جرنل آف امریکن میڈیکل ایسوسی ایشن کی جانب سے کیے جانے والے سروے میں 12 ریاستوں کے 24 سرکاری طبی اداروں میں کام کرنے والے طبی ماہرین کی تنخواہوں کا موازنہ کیا گیا۔

مزید پڑھیں: کلائمٹ چینج سے خواتین سب سے زیادہ متاثر

مجموعی طور پر 10 ہزار سے زائد طبی ماہرین کا ڈیٹا جمع کیا گیا۔

سروے سے حاصل ہونے والے نتائج سے معلوم ہوا کہ مرد طبی ماہرین کی تنخواہ سالانہ ڈھائی لاکھ ڈالر سے زائد تھی جبکہ خواتین کی 2 لاکھ کے قریب تھی۔

مزید پڑھیں: صنفی تفریق کو للکارتی مصر کی خواتین بائیکرز

سروے میں مرد و خواتین کو ملنے والی سہولیات کا جائزہ بھی لیا گیا جن کی مقدار برابر تھی البتہ تنخواہ میں 50 ہزار ڈالر کا فرق دیکھا گیا۔

سروے کے سربراہ ہارورڈ میڈیکل اسکول کے پروفیسر انوپم جینا نے اس بارے میں گفتگو کرتے ہوئے کہا، ’سروے کے بعد اس بات کی ضرورت ہے کہ طبی شعبہ میں شفافیت کو یقینی بنایا جائے اور مرد و خواتین کے بیچ تفریق کو ختم کیا جائے‘۔

مزید پڑھیں: گاؤں کی خواتین کی زندگی میں آنے والی انقلابی تبدیلی

دوسری جانب ایک اور سروے میں دیکھا گیا کہ خواتین پروفیسرز مرد پروفیسرز سے صرف ایک فیصد زیادہ کماتی ہیں اور دونوں کی تنخواہوں میں 2 سے 4 ہزار ڈالر سالانہ کا فرق ہے۔

مزید پڑھیں: بھارت میں خواتین دوست زراعتی آلات بنانے کا فیصلہ

واضح رہے کہ اقوام متحدہ خواتین (یو این وومین) مختلف حکومتوں پر زور دے رہی ہے کہ کام کرنے والی خواتین کی تنخواہیں اتنی ہی ہونی چاہئیں جتنی مردوں کی ہیں۔ یہ مہم ہالی ووڈ اداکارہ ایما واٹسن کی سربراہی میں چلائی جارہی ہے۔

Comments

comments

یہ بھی پڑھیں