لاہور: جمبر کے نزدیک فراڈ کرنے والے گروہ کی 2 خواتین موٹر وے پولیس کے ہاتھوں گرفتار ہو گئیں۔
تفصیلات کے مطابق موٹر وے پولیس نے قومی شاہراہ پر جمبر کے نزدیک فراڈ کر کے فرار ہونے والی دو خواتین کو اتفاقاً دھر لیا۔
ترجمان موٹر پولیس نے بتایا کہ پٹرولنگ افسران نے غلط سائیڈ سے اوورٹیک کرنے پر کار کو روکا تو اندر موجود ڈرائیور اور فرنٹ سیٹ پر بیٹھی خاتون ڈر کر گاڑی سے اتر کر بھاگ گئی۔
معاملہ مشکوک ہونے پر پٹرولنگ افسران نے کار میں موجود دیگر 2 خواتین کو روک کر پوچھ گچھ شروع کی، اس دوران موقع پر چند شہری بھی پہنچ گئے، جنھوں نے بتایا کہ یہ خواتین فراڈ کر کے فرار ہوئی ہیں۔
ڈاکوؤں نے گھر میں ڈکیتی کے دوران مزاحمت پر بزرگ خاتون کو گولی مار دی
پولیس کے مطابق ابتدائی تفتیش میں ملزمان نے فراڈ کر کے شہریوں کو لوٹنے کا اعتراف کر لیا، معلوم ہوا کہ ملزم خواتین نے پلاٹ کا جھانسا دے کر شہریوں سے 50 ہزار روپے اینٹھ لیے تھے۔
خواتین کو مزید تفتیش کے لیے مقامی پولیس کے حوالے کر دیا گیا۔
