The news is by your side.

Advertisement

خواتین موت کے منہ میں جانے سے بال بال بچ گئیں، دل دہلا دینے والی ویڈیو وائرل

ماسکو : روس میں ایک خوفناک حادثہ پیش آیا ہے جس میں دو خوش قسمت خواتین موت کے منہ میں جانے سے بال بال بچ گئیں، حادثے کی وڈیو دیکھتے ہی دیکھتے سوشل میڈیا پر وائرل ہوگئی۔

غیرملکی خبر رساں ادارے کے مطابق روس کے شہر ایزیفسک شہر میں پیش آنے والا واقعہ سی سی ٹی وی پر قید ہوگیا جس کی فوٹیج دیکھ کر لوگ حیرت زدہ رہ گئے۔

اس واقعے کی ویڈیو فوٹیج میں دکھایا گیا ہے کہ دو خواتین ایک عمارت میں داخل ہورہی ہیں لیکن جیسے ہی وہ عمارت کی داخلی سیڑھیاں چڑھ کر مرکزی دروازے کی جانب آتی ہیں تو پہلی منزل کی بالکونی پر لگا بورڈ ٹوٹ کر گر جاتا ہے۔

دونوں خواتین کی خوش قسمتی تھی کہ بورڈ کا ملبہ ان کے بالکل قریب گرا جس سے وہ گھبرا کر فوری طور پر پیچھے ہٹ گئیں، لیکن سیڑھیاں اترتے ہوئے ایک خاتون کا پاؤں مڑ گیا اور اسے معمولی چوٹ آئی۔

مذکورہ واقعے کی ویڈیو جلد ہی سوشل میڈیا پر وائرل ہوگئی اور صارفین نے ان خواتین کے بچ جانے پر شکر ادا کیا، ذرائع کے مطابق یہ واقعہ23 اپریل کو پیش آیا تھا۔

اس سے قبل بھی گذشتہ ماہ اسی طرح کا حادثہ پیش آیا تھا ایک شخص بندرگاہ کے قریب اپنی کار کی ونڈ اسکرین سے برف صاف کررہا تھا کہ اچانک رہائشی عمارت کی 100 فٹ کی اونچائی سے کنکریٹ کا ایک سلیب اس کے قریب آکر گرا۔

Comments

یہ بھی پڑھیں