The news is by your side.

Advertisement

خواتین جیلوں میں ابتر صورتحال: عدالت کا سفارشات پر عملدر آمد کا حکم

اسلام آباد: سپریم کورٹ میں خواتین کی جیلوں میں ابتر صورتحال سے متعلق کیس میں رپورٹ پر مرتب کی گئی سفارشات پر عملدر آمد کرنے کا حکم دے دیا۔

تفصیلات کے مطابق سپریم کورٹ میں خواتین کی جیلوں میں ابتر صورتحال سے متعلق کیس کی سماعت ہوئی۔

سماعت چیف جسٹس جسٹس ثاقب نثار کی سربراہی میں 2 رکنی بینچ نے کی۔

رجسٹرار محتسب نے بتایا کہ وفاقی محتسب نے 2 رپورٹس مرتب کی ہیں۔

انہوں نے کہا کہ عدالت نے سیشن اور ڈسٹرکٹ ججز سے ضلعی سطح پر رپورٹ طلب کی تھی جس کے بعد چیف سیکرٹریز اور آئی جیز جیل خانہ جات نے بھی رپورٹس دیں۔

مزید پڑھیں: 12 سو سے زائد کم عمر خواتین جیلوں میں قید

انہوں نے بتایا کہ عدالت نے وفاقی محتسب سے رپورٹس پر تجاویز طلب کی تھیں جس پر چیف جسٹس نے کہا کہ رپورٹس خواتین قیدیوں کی حالت زار بہتر بنانے کے لیے مرتب کی گئیں۔

چیف جسٹس نے کہا کہ رپورٹس میں دی گئی تجاویز اور سفارشات پر عملدر آمد کروانا چیف سیکرٹریز اور آئی جیز کی ذمہ داری ہے۔

چیف جسٹس نے کہا کہ حکم دیتے ہیں کہ مرتب کی گئی سفارشات پر عملدر آمد کروایا جائے، ڈسٹرکٹ اور سیشن ججز بھی عملدر آمد کروائیں۔

سپریم کورٹ نے 2 ماہ میں عملدر آمد کی رپورٹس طلب کرتے ہوئے سماعت ملتوی کردی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں