site
stats
پاکستان

کراچی: کےکےایف کی ایمبولینس میں خاتون کےاغواکی کوشش ناکام

کراچی : ورنگی ٹاوٴن میں فلاحی تنظیم کے کے ایف کی ایمبولینس میں خاتون کے اغوا کی کوشش پولیس نے ناکام بنا کر چار ملزمان کو گرفتار کرلیا گیا۔

تفصیلات کے مطابق کراچی کے علا قے اورنگی ٹاؤن میں کے کے ایف کی ایمبولینس میں خاتون کو اغوا کرنے کی کوشش کی گئی ، پاکستان بازارپولیس نےاغوا، ٹیلی گراف ایکٹ کےتحت مقدمہ درج کرلیا ہے۔

مقدمہ خاتون کے دیور کی مدعیت میں درج کیا گیا جبکہ مقدمےمیں گرفتار4ملزمان اوران کے ساتھی کو نامزد کیا گیا ہے۔

ایس ایس پی ویسٹ کے مطابق ملزمان خاتون کواورنگی ٹاؤن پاکستان بازار سے فلاحی تنظیم کی ایمبولینس کے ذریعے اغواء کی کوشش کر رہے تھے، بازیاب کرائی جانے والی خاتون اورنگی ٹاؤن بلال کالونی کی رہائشی ہے۔


مزید پڑھیں :  سعود آباد میں لڑکی پر تیز دھار آلے سے وار


پولیس کے مطابق سنی نامی ملزم موبائل فون پرخاتون کودھمکیاں دیتا تھا، کے کے ایف کی ایمبولینس کے ڈرائیور نے 3ساتھیوں کے ساتھ خاتون کو گھرسے اغواکرنے کی کوشش کی، فوری کارروائی کرکے4 ملزمان کو گرفتارکیا اور ایمبولینس تحویل میں لے لی ہے۔

گرفتار اغوا کاروں میں ضمیر ، فراز ، محمد ابراہیم اور محمود عالم شامل ہیں جبکہ ملزم سنی کی گرفتاری کیلئے چھاپے مارے جارہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top