The news is by your side.

Advertisement

شارجہ: خاتون نے شوہر کے خلاف 12مقدمات درج کروادیے

شارجہ : متحدہ عرب امارات سے تعلق رکھنے والی خاتون نے شوہر پر تشدد کرنے کا الزام لگاتے ہوئے پولیس کو 12 متعدد شکایات درج کروائی ہیں۔

غیر ملکی خبر رساں ادارے کے مطابق متحدہ عرب امارات کے شہر شارجہ میں گھریلو ناچاقی کے بعد رہائشی خاتون نے اپنے شوہر کے خلاف کے مقامی پولیس اسٹیشن میں شکایات درج کروائی ہیں۔

شارجہ پولیس کے مطابق متاثرہ خاتون نے مؤقف اختیار کیا ہے کہ اس کا خاوند اس پر بہیمانہ تشدد کرتا ہے اور وقتاً فوقتاً خاتون کے لیے توہین آمیز الفاظ بھی استعمال کرتا ہے۔

شارجہ پولیس نے خاتون کی جانب سے دائر کی گئی تشدد، بے عزتی اور خاتون پر بہتان لگانے کی تین شکایات پبلک پراسیکیوٹر کو بھجوائی گئی ہیں۔

شارجہ کی عوامی عدالت میں منگل کے روز مقدمے کی سماعت ہوئی جس میں خاتون نے بیان دیا کہ گذشتہ دو ماہ کے دوران اس کے شوہر نے متعدد دفعہ جسمانی اور زبانی تشدد کا نشانہ بنایا ہے۔

پبلک پراسیکیوٹرکا کہنا تھا کہ جج نے خاتون کا موقف سننے کے بعد عدالت نے خاوند کے خلاف تشدد اور اذیت پہنچانے کے ریفرنس کی سماعت 15 اپریل تک ملتوی کردی۔

متاثرہ شوہر نے اپنے اُوپر لگائے گئے الزامات کی تردید کرتے ہوئے شارجہ کے خبر رساں ادارے کو بتایا کہ پولیس میں میرے خلاف 12 متعدد شکایات درج کی گئی ہیں جس کے باعث مجھے شدید مشکلات کا سامنا کرنا پڑرہا ہے۔

متاثرہ شخص کا دعویٰ ہے کہ اس کی بیوی نے اس کے خلاف جو الزامات لگائے ہیں وہ محض من گھڑت کہانیاں ہیں جس ذرا بھی میں سچائی نہیں ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں