The news is by your side.

Advertisement

پنجاب پولیس کی لیڈی کانسٹیبلز کی شاندارپاسنگ آوٹ پریڈ

لاہور : پولیس ٹریننگ اسکول سے 330 لیڈی پولیس نے تربیت مکمل کرلی، اس موقع آئی جی پنجاب کا کہنا تھا کہ دہشتگردوں سے نمٹنے کے لئے تیار ہے۔

تفصیلات کے مطابق پنجاب پولیس کی لیڈی کانسٹیبلزکی شاندارپاسنگ آوٹ پریڈ ہوئی، اس موقع پرگراونڈ نعروں سے گونج اٹھا، چوہنگ پولیس ٹریننگ اسکول لاہورسے تربیت مکمل کرنے والی خواتین اہلکاروں نے مارچ پاسٹ کیا اور مہمان خصوصی آئی جی پنجاب کو سلامی پیش کی۔

آئی جی پنجاب مشتاق سکھیرا نے تقریب سے خطاب کرتے ہوئے کہا کہ پنجاب پولیس دہشتگردوں کے عزائم خاک میں ملادے گی، جدید تربیت ہی فورسز کو چیلنجز سے نمٹنے میں مدد دیتی ہے، ملک کی ترقی میں خواتین کا کرداراہمیت کا حامل ہے۔

ملک کی ترقی میں خواتین کا کرداراہمیت کا حامل ہے، آئی جی پنجاب

مشتاق سکھیرا نے کہا کہ پولیس ریکارڈ کو کمپیوٹرائزڈ کر دیا گیا ہے، پہلےپولیس میں خواتین کی نمائندگی نہ ہونےکے برابر تھی، نئے تربیت یافتہ اہلکار ملک میں امن کیلئے کام کریں گے،ملک کو آج اندرونی وبیرونی خطرات کا سامنا ہے، دشمن ملک کو نقصان پہنچانے کیلئے گھات لگائے بیٹھے ہیں۔

انھوں نے مزید کہا کہ پنجاب پولیس ملک کو درپیش چیلنجز سے بخوبی آگاہ ہے، ویمن سیفٹی ایپلی کیشن متعارف کرائی گئی ہے، آج خواتین کی پولیس میں نمائندگی 5فیصد ہوگئی ہے۔

پنجاب پولیس کی تین سو تیس خواتین کانسٹیبلز نے تربیت مکمل کی اس موقع پر نمایاں کارگردگی دکھانے والی خواتین اہلکاروں کو انعامات بھی دیئے گئے ہیں۔

Print Friendly, PDF & Email

Comments

comments

یہ بھی پڑھیں