بھارت میں شوہر کی تیسری شادی کی اطلاع پر دوسری بیوی نے اس کے گھر کے سامنے دھرنا دے دیا۔
بھارتی میڈیا رپورٹ کے مطابق واقعہ ریاست تلنگانہ کے ضلع پداپلی میں پیش آیا جہاں کنال گاؤں کی رہائشی ناگل جیوتی سے دیویندر نامی نوجوان نے 5 سال پہلے شادی کی تھی۔
جیوتی کا کہنا ہے کہ وہ دیویندر کی دوسری بیوی ہے، اسے شادی کے بعد پتہ چلا کہ اس کا شوہر پہلے سے شادی شدہ ہے۔
اس دوران دوسری بیوی کو یہ پتا چلا کہ اس کا شوہر دیویندر تیسری شادی رچانے جارہا ہے تو اس نے اس کے گھر کے سامنے ہی دھرنا دے دیا۔
جیوتی کا دعویٰ ہے کہ شوہر نے پہلی شادی چھپا کر اس سے شادی کی اور اب یہ تیسری شادی کی تیاری کررہا ہے جس کی اطلاع پر وہ رشتے داروں اور مقامی افراد کے ساتھ اس کے گھر کے باہر پہنچی۔
دوسری بیوی کے مطابق اس کے سسرالی رشتے دار جہیز کے لیے اس کو ہراساں کرتے تھے اور مار پیٹ کی جاتی تھی۔
جیوتی نے کہا کہ وہ ایک اور لڑکی کے ساتھ ناانصافی نہیں ہونے دے گی، واقعے کی اطلاع ملتے ہی پولیس وہاں پہنچی اور معاملے کو حل کروانے کی کوشش کی۔
