The news is by your side.

Advertisement

لاہور ہائی کورٹ نے خلع کے بعد بھی جہیز اور شادی کے تحائف پر بیوی کا حق تسلیم کرلیا

لاہور : لاہور ہائی کورٹ نے خلع کے بعد بھی جہیز اور شادی کے تحائف پر بیوی کا حق تسلیم کرکے فیصلہ جاری کردیا اور کہا شوہر بیوی کو سونے کے زیورات سمیت تحائف دینے کے بعد چھین نہیں سکتا۔

تفصیلات کے مطابق لاہور ہائی کورٹ نے میاں بیوی میں علیحدگی کے بعد تحائف اورزیورات کی ملکیت پر فیصلہ سنا دیا، عدالت نے ارم شہزادی کی درخواست پر 6 صفحات پر مشتمل تحریری فیصلہ جاری کیا۔

فیصلے میں عدالت نے خلع کے بعد بھی جہیز اور شادی کے تحائف پر بیوی کا حق تسلیم کر لیا ہے۔

جسٹس ساجد محمود سیٹھی نے فیصلے میں لکھا ہے کہ جہیز، شادی کے تحفے اور تمام منقولہ سامان پر بیوی کا حق ہے۔ شوہر بیوی کو سونے کے زیورات سمیت تحائف دینے کے بعد چھین نہیں سکتا۔

ارم شہزادی نے سابق شوہر عمران الحق کی جانب سے شادی کے تحائف کی واپسی کے خلاف درخواست دائر کی تھی۔

ماتحت عدالت نے ارم شہزادی کو شوہر کی جانب سے دیئے گئے تحائف اور زیورات واپس کرنے کا حکم دیا تھا۔

تاہم عدالت نے زیورات اور شادی کے تحائف واپس کرنے سے متعلق ماتحت عدالت کا فیصلہ کالعدم قرار دے دیا۔

Comments

comments

یہ بھی پڑھیں